“Dünyada dördüncü həftədir COVID-19-a yoluxmada artım qeydə alınır”.
Modern.az TASS-a istinadla xəbər verir ki, bunu Ümumdünya Səhiyyə Təşkilatının (ÜST) Baş direktoru Tedros Adan Qebreyesus Cenevrədə keçirilən brifinqdə bildirib.
Onun sözlərinə görə, 10 həftədən sonra koronavirusdan ölüm sayı da artıb:
"Keçən həftə dünyada COVID-19 xəstələrinin sayında artım olduğu dördüncü həftə idi. Bu artım ÜST-ün altı bölgəsində də qeydə alınıb. 10 həftəlik azalmadan sonra ölüm də artıb".
ÜST rəhbəri əlavə edib ki, pandemiya ilə əlaqəli epidemioloji vəziyyət ağırlaşır.
