Kəlbəcərdə şəhid olan jurnalistlər Məhərrəm İbrahimov və Sirac Abışovun ölümündən 40 gün ötür.
Modern.az xəbər verir ki, 2021-ci il iyunun 4-də Kəlbəcər rayonunun Susuzluq kəndi ərazisində hərəkət olan yolda çəkiliş qrupunun üzvlərini aparan nəqliyyat vasitəsi tank əleyhinə minaya düşüb.
Partlayış nəticəsində çəkiliş qrupunun iki üzvü, Azərbaycan Televiziyasının operatoru Sirac Abışov və Azərbaycan Dövlət İnformasiya Agentliyinin (AZƏRTAC) müxbiri Məhərrəm İbrahimov, habelə Kəlbəcər rayon İcra Hakimiyyətinin Susuzluq kəndi üzrə nümayəndəsi Arif Əliyev həlak olub, 4 nəfər isə yaralanıb.
Şəhid olanlar iyunun 5-də torpağa tapşırılıblar.
