Kiyev şəhərində 8 Noyabr – Zəfər Günü və 9 Noyabr – Dövlət Bayrağı Günü münasibətilə şou-aksiya keçirilib.
Modern.az xəbər verir ki, Ukrayna Azərbaycanlıları Radasının (UAR) həmsədri, Kiyev Azərbaycanlıları Konqresinin sədri Oleq Krapivinin təşəbbüsü və təşkilatçılığı ilə paytaxtın mərkəzi Klovskaya küçəsi-7 ünvanındakı inzibati binalardan birinin üzərində Azərbaycanın möhtəşəm tarixi bayramları şərəfinə lazer-şou keçirilib.
Aksiya zamanı Müzəffər Ali Baş Komandan, Prezident İlham Əliyevin, Azərbaycan əsgərinin, Azərbaycan xəritəsinin, dövlət bayrağının, Şuşa məscidinin və “Xarı bülbül” rəmzinin reproduksiyaları nümayiş olunub.
Aksiyada UAR-ın gənclər departamentinin əməkdaşları iştirak ediblər.
