Bu gün hakim Yeni Azərbaycan Partiyasının (YAP) İdarə Heyətinin iclası keçirilib.
Modern.az xəbər verir ki, iclasa Partiya sədrinin müavini – Mərkəzi Aparatın rəhbəri Tahir Budaqov sədrlik edib.
İclasda YAP rayon təşkilatlarına yeni sədr təyinatı məsələsi müzakirə olunub.
Qərara əsasən, YAP Gəncə rayon təşkilatının sədri vəzifəsində deputat Naqif Həmzəyevi Ramil Orucov, Ağdaş rayon təşkilatında isə Cavid Osmanovu Əlişah Rəcəbov əvəzləyib. Bununla da hər iki deputat YAP-dakı vəzifələrini itiriblər.
Bundan əlavə, partiyanın Sumqayıt şəhər təşkilatına Ramiz Hüseynovun sədr təyin edilməsi barədə məlumat yayılıb.
