2021-ci ildə "AzerGold" QSC hasil etdiyi qızıl və gümüşün satışından 188,3 mln. manat qazanıb.
Modern.az-ın məlumatına görə, bu barədə QSC-nin İdarə Heyətinin sədri Zakir İbrahimov deyib.
Onun sözlərinə görə, bu göstərici illik müqayisədə 0,4% artıb.
Z. İbrahimov bildirib ki, ötən il 60 min unsiya qızıl və 133 min unsiya gümüş satılıb. Beləliklə, son beş ildə 755 mln. manatdan çox qızıl və gümüş şirkət tərəfindən satılıb.