Azərbaycan Milli Elmlər Akademiyasının (AMEA) əsas binasının Elm və Təhsil Nazirliyinə verilməsi nəzərdə tutulmur.
Modern.az-ın məlumatına görə, bunu jurnalistlərə açıqlamasında AMEA-nın vitse-prezidenti, akademik İsa Həbibbəyli deyib.
Onun sözlərinə görə, AMEA-nın əsas binanın hansısa quruma verilməsi Prezident İlham Əliyevin fərmanında yer almayıb:
“Hansı institutlar əmlakı ilə birlikdə Elm və Təhsil Nazirliyinə veriləcəksə, fərmanda ayrı-ayrı qeyd olunub. Nazirliyə veriləcək struktur bölmələrindən heç biri AMEA-nın əsas binasında yerləşmir”.
