Londonda yəhudilərə bıçaqlı hücum nəticəsində 2 nəfər yaralanıb, şübhəli saxlanılıb.
Modern.az xəbər verir ki, hadisə "Golders Green" ərazisində qeydə alınıb.
Məlumata görə, hücum zamanı yaralananlardan biri ravvin olub və onun vəziyyətinin stabil olduğu bildirilir. Digər yaralıya isə hadisə yerində ilkin tibbi yardım göstərilib.
Hadisəni törətməkdə şübhəli bilinən şəxs polis tərəfindən saxlanılıb.
Hazırda hüquq-mühafizə orqanları faktla bağlı araşdırma aparır.
