DİN-in Mətbuat xidmətinin regional qrupundan Modern.az-a verilən məlumata görə, Xaçmaz Rayon Polis Şöbəsi əməkdaşlarının keçirdiyi əməliyyat tədbirləri nəticəsində narkotik tərkibli bitkilərin kultivasiyası ilə məşğul olmaqda şübhəli bilinən 55 yaşlı Ənvər Ələskərov saxlanılıb. Onun yaşadığı həyətyanı sahəyə baxış zamanı xüsusi qulluq edilərək yetişdirilən 50 ədəd çətənə kolu və marixuana aşkar edilərək götürülüb.
Rayon ərazisində keçirilən digər əməliyyat zamanı isə əvvəllər məhkum olunmuş 33 yaşlı Elman Abdulov saxlanılıb. Ondan psixotrop maddə olan metamfetamin və heroin aşkarlanıb.
Faktlarla bağlı cinayət işi başlanılıb, hər iki şəxs barəsində məhkəmənin qərarı ilə həbs qətimkan tədbiri seçilib.
