Türkiyədə Adalar Bələdiyyəsini hədəf alan rüşvət istintaqı çərçivəsində həyata keçirilən əməliyyatlar nəticəsində 47 nəfər barəsində həbs qərarı verilib.
Modern.az xəbər verir ki, bu barədə Türkiyə KİV-i məlumat yayıb.
Məlumata görə, İstanbul mərkəzli dörd vilayətdə eyni vaxtda keçirilən əməliyyatlar zamanı Adalar Bələdiyyəsinin sədri Əli Ercan Akpolat da daxil olmaqla 41 şübhəli saxlanılıb.
İstintaq çərçivəsində Mersin vilayətinin Silifke rayonunda da bələdiyyəyə qarşı əməliyyat keçirilib. Əməliyyat nəticəsində Silifke Bələdiyyəsinin sədri Mustafa Turqut da daxil olmaqla bir sıra şəxslər barədə hüquqi tədbirlər görülüb.
Bildirilir ki, əməliyyatlar rüşvət və korrupsiya iddiaları üzrə aparılan araşdırmalar çərçivəsində həyata keçirilib. İstintaq davam edir.
