26 Oktyabr 2021, Çərşənbə axşamı
13 Oktyabr 2019, 10:18 | Ana Səhifə - Yazılar - İlham Əliyev Azərbaycanı bütün auditoriyalarda güclü təqdim edir
İlham Əliyev Azərbaycanı bütün auditoriyalarda güclü təqdim edir

Elman Babayev


Bu, bütün nəsillərin vətən davası təbliğatına qoşulması üçün gözəl bir örnək yaradır

 

Prezident İlham Əliyevin beynəlxalq müstəvilərdə heç kimdən, heç nədən çəkinmədən sistemli şəkildə nümayiş etdirdiyi cəsarət notlu çılpaqlıq, Azərbaycan sevgisi, ifrat  vətən təəssübkeşliyi xaricdə Azərbaycanı bütün auditoriyalarda güclü təqdim etməklə yanaşı, ölkənin daxilində də yaşından asılı olmayaraq bütün nəsillərin vətən davası təbliğatına qoşulması üçün gözəl bir örnək yaradır. 


Ölkə başçısı bu dəfə Türkmənistanın paytaxtı Aşqabad şəhərində öz cəsarətli çıxışı ilə diqqət cəlb edib. MDB Dövlət Başçıları Şurasının məhdud tərkibdə iclasında böyük ustalıqla Ermənistanın əsl mahiyyətini ortaya qoyan bəyanat səsləndirib.  

 

Zirvə Görüşünün gündəliyindəki məsələlərdən biri Böyük Vətən müharibəsində Qələbənin 75 illiyi ilə əlaqədar dövlət başçılarının Birlik ölkələrinin xalqlarına və dünya ictimaiyyətinə müraciəti olub. Prezident İlham Əliyev mövzu ilə bağlı çıxışında diqqəti Ermənistanda əvvəlki hakimiyyətin dövründə Yerevanın mərkəzində faşist cəlladı və satqın, Qaregin Njde ləqəbi ilə alman faşistlərinə xidmət etmiş Qaregin Ter-Arutyunyana heykəlin qoyulmasına diqqət çəkib. MDB ölkələrindən olan müharibə veteranlarının böyük bir qrupu Ermənistanın əvvəlki rəhbərliyinin bu həyasız addımına qarşı dəfələrlə etirazını bildirib.  

 

“2016-cı ildə Ermənistan paytaxtının mərkəzində bu satqın cəllada hündürlüyü 6 metrə yaxın olan heykəl qoyulub. Təəssüf ki, Ermənistanın yeni hakimiyyəti bu heykəli götürməyib. Hesab edirəm ki, MDB məkanında faşizmin qəhrəmanlıq kimi qələmə verilməsinə yer yoxdur” – deyən İlham Əliyev Ermənistanın baş nazirinin cavab nitqinə tutarlı cavab verib:

“Rusiya Federasiyası Xarici İşlər Nazirliyinin 2019-cu ilin may sitatında və Rusiyanın Müdafiə naziri Şoyqunun redaksiyası altında 12 cildlik nəşrin sitatında kifayət qədər aydın deyilir ki, o, necə bir “xadim” olub. Həmçinin nə qədər iyrənc olsa da, onun sitatını mən bir daha təkrar edəcəyəm: “Almaniya uğrunda həlak olan Ermənistan uğrunda həlak olur”. Bu, Böyük Vətən müharibəsi illərində deyilib. Buna görə də hesab edirəm ki, özünü demokratik seçilmiş təqdim edən yeni hakimiyyət, ilk növbədə, bu ləkədən, bu rüsvayçılıqdan təmizlənməli və həmin heykəli sökməlidir. Mənim dövlət başçılarına hörmətsizlik göstərdiyimə gəlincə, düşünürəm ki, bizim iclasımız, yəqin ki, bundan daha absurd tezis eşitməyib”.

 

Qeyd edək ki, bu, İlham Əliyevin son 1 həftə ərzində Ermənistanın baş nazirinə verdiyi ikinci tutarlı cavabdır. İlham Əliyev oktyabrın 4-də nüfuzlu “Valday” Beynəlxalq Diskussiya Klubu XVI illik iclasının plenar sessiyasında çıxışı zamanı bildirib: “Ermənistan baş nazirinin təəccüb doğuran bəyanatına toxunmaq istərdim. Bu bəyanat təkcə Azərbaycanda təəccüblə qarşılanmayıb, ona Rusiya Federasiyası tərəfindən də “Valday” forumu çərçivəsində müvafiq cavab verilib. Beləliklə, bəyanat sözbəsöz belədir: “Qarabağ Ermənistanın bir hissəsidir və nöqtə”. Birincisi, yumşaq desək, bu, yalandır. Dünya tərəfindən həm Aran, həm də Dağlıq Qarabağ Azərbaycanın ayrılmaz hissəsi kimi tanınıb. Ermənistan özü də bu qanunsuz qurumu tanımır. Qarabağ tarixi, əzəli Azərbaycan torpağıdır. Beləliklə, Qarabağ Azərbaycandır və nida işarəsi”.

 

İlham Əliyevin Paşinyanı yerində oturtmaq cəsarəti, hünəri təkcə haqlı olmaqla bağlı deyil. Bu, Azərbaycanın güclü dövlətə çevrilməsi, hər an hərbi yolla öz torpaqlarını işğaldan azad etmək iqtidarında olmasından irəli gəlir;

 

-      İlham Əliyev dünyanın ən güclü 50 ordusu sırasında yer alan ordunun Ali Baş Komandanıdır;

 

-  İlham Əliyev Azərbaycanı güclü, bütün ölkələrlə bərabərhüquqlu, qarşılıqlı faydalı əməkdaşlıq əlaqələrinə malik və bu əlaqələri strateji tərəfdaşlıq səviyyəsinə çatdıran layiqli siyasi varis, liderdir;

 

-       İlham Əliyevin yürütdüyü xarici siyasət Azərbaycanın regional lider kimi mövqeyini daha da möhkəmləndirib və ölkəmizin yaxın gələcəkdə mövqelərinin güclənəcəyini proqnozlaşdırmaq üçün ciddi əsaslar var.

 

Qarşısındakı isə öz ənənəvi portnyorlarını itirən, küncə sıxılmış, sosial və iqtisadi kataklizmlər yaşayan, çıxılmaz vəziyyətə düşmüş Ermənistandır. İlham Əliyevin gerçəkləşdirdiyi siyasətin doğurduğu bu reallıq Dağlıq Qarabağ münaqişəsinin həllinə əlverişli zəmin doğurub. Yaranan bu vəziyyət münaqişənin yaxın gələcəkdə Azərbaycanın milli maraqları çərçivəsində, beynəlxalq hüququn norma və prinsipləri əsasında həll olunacağını qaçılmaz edir.

 

İşğalçı Ermənistana qarşı təcrid siyasətini bütün sferalarda davam etdirən Azərbaycan bu təcrid siyasətinin işğal altında olan torpaqlar geri qayıdana qədər  qüvvədə olacağını bəyan edib. Məhz bu təcrid siyasəti işğalçı ölkənin siyasi və iqtisadi sisteminin çökməsinə gətirib çıxarıb.

 

Ermənistanın yeni rəhbərliyinin isə yaranmış regional vəziyyəti düzgün dəyərləndirməkdən başqa çarəsi qalmır. Bunun əksi Ermənistanın yeni hakimiyyətinə yaxşı heç nə vəd etmir.

 

MÜƏLLİFİN DİGƏR YAZILARI
İlham Əliyev və Ərdoğan Zəngilanda birgə mətbuat konfransı keçirirlər 26 Oktyabr 2021, 19:48 Toplanışa çağırılan ehtiyatdakı hərbçilər hərbi hissədə - VİDEO 26 Oktyabr 2021, 19:46 Zəngəzur dəhlizi bu tarixdə istifadəyə VERİLƏCƏK 26 Oktyabr 2021, 19:42 Dövlət başçıları “Ağıllı kənd” layihəsində görülən işlərlə tanış olublar - YENİLƏNİB 26 Oktyabr 2021, 19:37 Ərdoğan Zəngəzur dəhlizi barədə: "Daha irəli gedəcəksiniz" 26 Oktyabr 2021, 19:27 XİN-dən Avstriyaya TƏBRİK 26 Oktyabr 2021, 19:15 Azərbaycan və Türkiyə liderləri arasında Zəngilanda görüş - FOTO 26 Oktyabr 2021, 19:13 Prezidentlər Zəngəzur dəhlizinin təməlini qoydular - YENİLƏNİB 26 Oktyabr 2021, 19:11 Əli Əsədov BP-nin nümayəndə heyəti ilə görüşüb 26 Oktyabr 2021, 18:57 Ərdoğandan İlham Əliyevə özəl hədiyyə - FOTO 26 Oktyabr 2021, 18:44 Metroda sərnişin sıxlığına qarşı nəzarət qrupları yaradıldı 26 Oktyabr 2021, 18:37 ADA universitetində mükafatlandırma mərasimi keçirilib 26 Oktyabr 2021, 18:30 Bayden Makronla görüşəcək 26 Oktyabr 2021, 18:22 BMT-nin Baş katibindən yeni pandemiya ÇAĞIRIŞI 26 Oktyabr 2021, 18:15 Türk konseyinin mediaforumunda Azərbaycanın təklifləri qeydə alındı 26 Oktyabr 2021, 18:09 Ermənistan parlamentinin Azərbaycan müzakirəsi başa çatdı 26 Oktyabr 2021, 18:00 Azərbaycanda yeni seysmik stansiya quraşdırılıb 26 Oktyabr 2021, 17:54 Manatın xarici valyutalara qarşı məzənnəsi sabit qaldı 26 Oktyabr 2021, 17:48 Mehriban Əliyeva Zəngilandan FOTO paylaşdı 26 Oktyabr 2021, 17:42 Prezidentlər Zəngilanda ağac əkdilər - FOTOLAR 26 Oktyabr 2021, 17:30 Zəfərimizin bir ililə bağlı videokonfrans 26 Oktyabr 2021, 17:24 Azad edilən ərazilərdə mühəndis işləri aparılır - FOTO/VİDEO 26 Oktyabr 2021, 17:18 Qazilər yolu niyə bağlamışdılar? - “Azərenerji” İcra Hakimiyyətini suçladı 26 Oktyabr 2021, 17:12 Koçaryanın məhkəməsindən yeni XƏBƏR VAR 26 Oktyabr 2021, 17:06 DİN-dən axundunun cinayətinin araşdırılmaması ilə bağlı iddialara CAVAB 26 Oktyabr 2021, 17:05 Xüsusi təhsil müəssisələrinə müəllimlər seçilir 26 Oktyabr 2021, 17:02 Nərimanovda şəhidlərin anım günü - FOTO 26 Oktyabr 2021, 16:58 Zəngilanda Ərdoğanı qarşılama mərasimi - VİDEO 26 Oktyabr 2021, 16:52 Laçında qəbirüstü at fiqurları tapıldı 26 Oktyabr 2021, 16:46 YAP Ərazi Partiya təşkilatına sədr və müavin seçilib 26 Oktyabr 2021, 16:40 İlham Əliyev və Ərdoğan Zəngilanda “Dost Aqropark”ın təməlini qoydular 26 Oktyabr 2021, 16:35 Bakıda narkotik satanlar tutuldu - VİDEO 26 Oktyabr 2021, 16:30 Almaniyanın nümayəndə heyəti Azərbaycana gəlir 26 Oktyabr 2021, 16:24 “Azəristiliktəchizat” istilik mövsümünə bu tarixdən BAŞLAYACAQ 26 Oktyabr 2021, 16:18 Ata qızını 500 dollara satdı: “Digər uşaqlarım acından ölürdü” 26 Oktyabr 2021, 16:12