“İnsanın öz həyatına son qoymaq haqqı var. Saakaşvili intihar etmək istəyirsə, edə bilər”.
Moder.az xəbər verir ki, bunu Gürcüstan Baş naziri İrakli Qaribaşvili eks-prezident Mixail Saakaşvilinin aclıq aksiyasına münasibət bildirərkən deyib.
“Qanunda yazılıb ki, insanın intihar haqqı var. Əgər özünü öldürmək qərarı versə, o özünü öldürə bilər, amma dövlət buna görə məsuliyyət daşımır”.
O, həmçinin bir daha vurğulayıb ki, eks-prezidentin vaxtından əvvəl azadlığa buraxılması və Ukraynaya transferindən söhbət gedə bilməz. Bu, hakimiyyətin ölkə qanunlarına hörmət etməməsi demək olardı. Qeyd edək ki, Saakaşvili oktyabrın 1-də səkkiz illik mühacirətdən sonra Ukraynadan Gürcüstana qayıtdıqda saxlanılıb.
Saakaşvili bir aya yaxındır ki, həbsxanada aclıq aksiyası keçirir və bundan əvvəl tibbi yardımdan imtina edib.
