Qvatemalanın sahilində 5,6 maqnitudalı zəlzələ olub.
Modern.az xəbər verir ki, bu barədə ABŞ Geoloji Xidməti məlumat yayıb.
Bildirilib ki, zəlzələnin episentri 23,5 min nəfər əhalisi olan Puerto San Xose yaşayış məntəqəsindən 124 km məsafədə yerləşib. Yeraltı təkanların ocağı 10 km dərinlikdə olub. Təbiət hadisəsi Bakı vaxtı ilə saat 04:10-da qeydə alınıb.
Mümkün tələfat və dağıntılar barədə məlumat verilməyib.
