Rusiyanın Voronej vilayətində Belarusdan olan inşaatçıların iştirakı ilə Rusiyanın ən böyük məktəbi tikilib.
Modern.az xəbər verir ki, bu barədə Belarusun rəsmi BelTA agentliyi məlumat yayıb.
"Bu gün unikal təhsil ocağı öz qapılarını 4000-ə yaxın şagirdin üzünə açdı", - məlumatda qeyd olunub.
Belarus Milli Məclisinin Respublika Şurasının sədri Natalya Koçanova və Rusiya Federasiyası Federal Məclisi Federasiya Şurasının sədri Valentina Matviyenko videobağlantı vasitəsilə Voronej sakinlərini meqa-məktəbin açılışı münasibətilə təbrik ediblər.
