Ermənistanın Cermuk şəhəri yaxınlığında 3 bal gücündə zəlzələ baş verib.
Modern.az "Armenpress"ə istinadən xəbər verir ki, məlumatı Ermənistan Xilasetmə Xidməti yayıb.
Episentrdə yeraltı təkanların gücü 4 bal olub. Cermukla yanaşı, Vayots Dzor vilayətinin (Dərələyəz) Qndevaz və Keçut kəndlərində, Geğarkunik vilayətinin (Göyçə) Karçaqbyur kəndində də yeraltı təkanlar hiss olunub.
Ölən və yaralananlar, habelə dağıntı barədə məlumat yoxdur.
