ABŞ prezidenti Co Baydenin reytinqi rekord səviyyədə aşağı düşüb.
Modern.az xəbər verir ki, bu barədə NBC-nin milli sorğusunda qeyd olunub.
Bildirilir ki, onun reytinqi hakimiyyətə gəldiyindən bəri 40%-ə qədər aşağı düşüb.
NBC yazır ki, respondentlərin 57%-i Co Baydenin hərəkətlərini bəyənmir. Seçicilərin yalnız 33%-i prezidentin xarici siyasət yanaşmasını bəyənir. Bu, sentyabr ayı ilə müqayisədə 8 faiz azdır. Baydenin iqtisadi siyasətini isə seçicilərin 38%-i dəstəkləyir.
Seçicilərin yalnız 34%-i dövlət başçısının Yaxın Şərqdəki müharibə ilə bağlı addımlarını bəyənir, 56%-i isə əleyhinədir.
18-34 yaş arası gənclər arasında dəstək kəskin azalıb, belə ki, bu dəstək sentyabrda 41% olduğu halda indi 31%-dir.
"New York Times" nəşrinin sorğusuna görə, keçmiş prezident Donald Tramp altı əsas ştatdan beşində Co Baydenə 4%-11% fərqlə liderlik edir. Seçicilərin böyük əksəriyyəti həyat keyfiyyətinin pisləşdiyini, 60%-i isə bütövlükdə ölkənin yanlış istiqamətdə getdiyini qeyd edib.
