ABŞ-nin Texas ştatında, Meksika sərhədinə yaxın yerləşən Laredo bölgəsində yük qatarının vaqonunda tapılan altı miqrantın yüksək temperatur nəticəsində hipertermiyadan öldüyü ehtimal edilir.
Modern.az xəbər verir ki, səlahiyyətli orqanların məlumatına görə, həyatını itirən şəxslər Honduras və Meksika vətəndaşları olub.
Ölənlər arasında 14 yaşlı yeniyetmənin də olduğu bildirilib.
Rəsmilər hadisədən təxminən 240 kilometr uzaqlıqda tapılan 49 yaşlı meksikalı kişinin meyitinin də bu hadisə ilə əlaqəli olduğunu düşünürlər.
İstintaq çərçivəsində ölən şəxslərin miqrant qaçaqmalçılığının qurbanı olduğu ehtimal olunur. İlkin versiyaya görə, onlar qapalı yük konteynerində yüksək temperatur səbəbindən həyatlarını itiriblər.
