İran İsveçrədə ABŞ ilə danışıqların bərpası üçün şərt olaraq Livanda hərbi əməliyyatların dayandırılmasına zəmanət istəyib.
Modern.az xəbər verir ki, bu barədə CNN telekanalı diplomatik mənbəyə istinadən məlumat yayıb.
Mənbənin sözlərinə görə, "İran tərəfi imzalanmış müqavilənin şərtlərinə uyğun olaraq Livanda hərbi əməliyyatların dayandırılmasına zəmanət tələb edib". O, əlavə edib ki, "vasitəçilər hazırda bu məsələnin həlli üzərində işləyirlər".
Mənbə qeyd edib ki, planlaşdırılan danışıqlar "İsrailin Livana hücumlarından sonra müvəqqəti olaraq təxirə salınıb", lakin vasitəçilərin gözləntilərinə görə, nə vaxt bərpa oluna biləcəyini dəqiqləşdirməyib.
Bu həftənin əvvəlində ABŞ və İran prezidentləri Livan da daxil olmaqla bütün cəbhələrdə hərbi əməliyyatların dərhal dayandırılmasını nəzərdə tutan anlaşma memorandumu rəqəmsal formatda imzalayıblar. İsrail tərəfi memorandum üzrə danışıqlarda iştirak etməyib.
İsveçrə Xarici İşlər Nazirliyinin mətbuat xidməti ötən gecə bildirib ki, ABŞ və İran arasında İsveçrənin Burgenstok şəhərində keçirilməsi nəzərdə tutulan 19 iyun tarixli danışıqlar təxirə salınıb.
Bu gün - 19 iyunda İsveçrənin Burgenstok şəhərində ABŞ-nin vitse-prezidenti Cey Di Vens və İran parlamentinin sədri Məhəmməd Qalibaf arasında danışıqlar başlamalı idi.
