“Daily Mail” nəşri Kriştiano Ronaldonun Georgina Rodrigeslə toyunun bəzi detallarını açıqlayıb. Cütlük avqustun 11-də Lissabon yaxınlığında yerləşən, dəyəri 30 milyon funt sterlinq (təxminən 66 milyon manat) olan malikanələrində gizli şəkildə evlənib.
Modern.az xarici nəşrə istinadən xəbər verir ki, mərasimdə cütlüyün övladları və cəmi dörd xaç atası iştirak edib.
Toyda Georginanın bacısı İvana, Ronaldonun uzunillik dostu Migel Payşao, eləcə də ispaniyalı zərgər Xose Rodriges Sanqil və onun həyat yoldaşı Monika Qonsales Martines iştirak ediblər.
Futbolçunun anası Dolores Aveiro və üç böyük bacı-qardaşı – Hüqo, Elma və Katia mərasimdə olmayıb.
Nikahdan əvvəl Georgina 10 ildən çox idi ki, "nişanlı" statusunda idi. Bu müddət ərzində onların iki ortaq övladı dünyaya gəlib: qızları Alana Martina 2017-ci ilin noyabrında, Bella Esmeralda isə 2022-ci ilin aprelində doğulub. Onlar həmçinin Ronaldonun digər üç övladını — kiçik Kriştianunu və əkizlər Eva ilə Mateonu da birlikdə böyüdürlər.
Ronaldonun 41, Rodrigesin isə 32 yaşı var. Cütlük 2016-cı ildən birlikdədir, 2025-ci ilin avqustunda isə futbolçu sevgilisinə evlilik təklifi edib.
