Rusiyada yeni səfərbərlik elan ediləcəyi ilə bağlı narahatlıqlar fonunda ölkədən çıxışların yenidən sürətləndiyi bildirilir.
Modern.az xəbər verir ki, bu barədə xarici KİV-lər məlumat yayıb.
Məlumata görə, müharibəyə getmək istəməyən Rusiya vətəndaşları banklardakı vəsaitlərini çıxararaq ölkəni tərk etməyə başlayıblar. Onların əsas istiqamətlərindən biri Gürcüstan sərhədidir.
Bildirilib ki, son 24 saat ərzində 20 minə yaxın Rusiya vətəndaşı Gürcüstana keçib.
Rusiyalıların ən çox üstünlük verdiyi ölkələrdən biri olan Türkiyənin də mümkün yeni miqrasiya dalğasının əsas istiqamətlərindən birinə çevrilə biləcəyi qeyd olunur.
Məlumatlar Rusiyada mümkün yeni səfərbərliklə bağlı narahatlığın yenidən artdığını göstərir.
