Şəmkirdə qətl hadisəsi baş verib.
Modern.az xəbər verir ki, hadisə rayon ərazisində yerləşən kafelərdən birində qeydə alınıb.
1999-cu il təvəllüdlü S.Tağıyev ürək nahiyəsindən aldığı bıçaq xəsarəti ilə xəstəxanaya çatdırılıb. Həkimlərin müdaxiləsinə baxmayaraq onun həyatını xilas etmək mümkün olmayıb.
Araşdırmalar zamanı məlum olub ki, S.Tağıyev aralarında yaranan mübahisə zamanı 1998-ci il təvəllüdlü həmyerlisi F.Həsənov tərəfindən bıçaqlanıb.
Polis əməkdaşlarının keçirdiyi əməliyyat tədbirləri nəticəsində F.Həsənov saxlanılaraq istintaqa təhvil verilib. Hadisə ilə bağlı araşdırma aparılır.
