Arxiv
12 mart 2019, 15:52 | ALLAH RƏHMƏT ELƏSİN
Unudulmaz Musa müəllim - Baş nazirin sabiq 1-ci müavini vəfat edib

Azərbaycan xalqına ağır itki üz verib. Görkəmli dövlət xadimi, xeyirxah, səmimi, sadə, mehriban, nəcib, qayğıkeş, eyni zamanda qətiyyətli və prinsipial  insan  Musa Salam oğlu Məmmədov 87 yaşında vəfat edib.


Musa Məmmədov 1932-ci il iyul ayının 15-də Qəbələ rayonunda qulluqçu ailəsində dünyaya göz açıb, 1948-ci ildə orta məktəbi, 1952-ci ildə isə Azərbaycan Kənd Təsərrüfatı İnstitutunun aqronomluq fakültəsini fərqlənmə diplomu ilə bitirib. Həmin il də aspiranturaya daxil olan M.Məmmədov 1956-cı ildə dissertasiya müdafiə edərək elmlər namizədi alimlik dərəcəsi alıb. Bir müddət institutda müəllim, tədris-təcrübə təsərrüfatının direktoru vəzifələrində işləyib.


Musa Məmmədov 1964-cü ildə Kənd Təsərrüfatı Nazirliyinin idarə rəisi vəzifəsinə təyin olunub. O, 1968-1970-ci illərdə Dövlət Çörək Məhsulları və Qarışıq  Yem Sənayesi Komitəsinin sədr müavini və respublika tədarük nazirinin müavini işləyib. Bacarığını, aqrar sahəni dərindən bilməsini nəzərə alınmaqla Musa Məmmədov nazirin müavini təyin edilib (1970-1979-cu illər). O, peşəkar və səriştəli kadr kimi Azərbaycan KP MK-nın birinci katibi Heydər Əliyevin nəzər-dıqqətini cəlb edib və “Azərkəndkimya” Elm-İstehsalat Birliyinin sədri vəzifəsinə irəli çəkilib (1979-1984). Musa Məmmədov ona göstərilən bu  yüksək etimadı ləyaqətlə doğruldub, özünü bacarıqlı rəhbər işçi, kənd təsərrüfatının bütün sahələrini dərindən bilən bir mütəxəssis kimi göstərə bilib. 1984-1985-ci illərdə Azərbaycan SSR Nazirlər Soveti sədrinin müavini, 1986-1989-cı illərdə sədrin birinci müavini və Dövlət Aqrar Sənaye Komitəsinin sədri, 1989-2001-ci illərdə respublika Meşə Təsərrüfatı İstehsal Birliyinin sədri vəzifələrində çalışıb.


Pensiya yaşında belə o,  öz zəngin təcrübəsini, bilik və bacarığını paylaşmaq istəyi ilə son günlərə kimi isə kənd təsərrüfatı nazirinin müşaviri vəzifələrində çalışıb. Kənd təsərrüfatı və meşə təsərrüfatının müxtəlif sahələrinin inkişafı ilə əlaqədar 40 elmi əsərin, bir çox monoqrafiyaların, bir neçə kitabın, ixtiraların müəllifidir, iqtisad elmləri doktoru, kənd təsərüfatı elmləri namizədidir.


Musa Məmmədov ümumimilli lider  Heydər Əliyevin ən yaxın siladaşlarından olub.  Onun xidmətləri partiya və dövlət tərəfindən yüksək qiymətləndirilib. Azərbaycan SSR Ali Sovetinin (X-XII çağırış) deputatı olub. “Qırmızı Əmək Bayrağı”, “Oktyabr inqilabı”, iki dəfə “Şərəf Nişanı” ordeni və müxtəlif medallarla təltif olunub. İki dəfə respublika Ali Sovetinin fəxri fərmanı, Ümumittifaq Xalq Təsərrüfatı Nailiyyətləri Sərgisinin iki qızıl, iki gümüş və bürünc medalları ilə, iki dəfə sərginin Fəxri diplomları ilə təltif edilib. Elm və texnika üzrə Dövlət mükafatı laureatı, respublikanın əməkdar aqronomu adına layiq görülüb. Respublikada aqrar sahənin idarə edilməsinin təkmilləşdirilməsi sahəsində göstərdiyi  əvəzsiz xidmətləri və yüksək insani keyfiyyətləri nəzərə alınaraq Azərbaycan Respublikası Prezidentinin fərdi təqaüdünə layiq görülmüşdü.

    
Dərin zəkası, istedadı, işgüzarlığı ilə o, keçmiş SSRİ məkanında da öz sahəsi üzrə böyük nüfuz sahibi idi. Təsadüfi deyil ki, Musa Məmmədov  SSRİ ərazisində nisbətən az meşə ehtiyatına malik olan ölkəmizdən SSRİ Kənd Təsərrüfatı  Nazirliyinin kollegiyasına üzv  seçilmişdi. O,  Azərbaycanda həm də, meşə sahəsi üzrə ilk və yeganə  generaldır.  Meşəçilklə də bağlı onun xidmətləri əvəzsizdir.  Onun  təşəbbüsü ilə  xaricdən gətirilən  tez yetişən ağaclar  meşə sahələrinin artmasına, daha çox meşə materialı əldə olunmasına imkan yaradıb.  Onun  yazdığı  “Azərbaycanın meşələrində bitən ağac və kol bitkiləri” adlı irihəcmli fundamental əsər çoxillik, fədakar fəaliyyətin nəticəsində ərsəyə gəlib. 

  
Böyük şəxsiyyət, layiqli vətəndaş, istedadlı alim- pedaqoq  Musa Məmmədovun əziz xatirəsi onu tanıyanların qəlbində əbədi yaşayacaq. 

Allah rəhmət eləsin! Qəbri nurla dolsun...


Abid Tahirli

BU KATEQORİYADAN OLAN DİGƏR XƏBƏRLƏR
+ Arxiv
Türkiyə İraqda şəhid verdi 15 Aprel 2021, 01:00 Çempionlar Liqasında bütün yarımfinalçılar bilindi 15 Aprel 2021, 00:54 NATO qoşunları Əfqanıstandan çıxarılır 15 Aprel 2021, 00:50 ABŞ hərbi gəmilərini Qara dənizə göndərməkdən imtina etdi 15 Aprel 2021, 00:45 Azərbaycanlı boksçu ermənini dünya çempionatından kənarlaşdırdı 15 Aprel 2021, 00:38 Neft bahalaşdı 15 Aprel 2021, 00:22 Teledərslərin bu günə olan CƏDVƏLİ 15 Aprel 2021, 00:09 Rusiya Krıma nüvə silahı yerləşdirir? 14 Aprel 2021, 23:57 Lənkəranda piyadanı maşın vurub öldürdü 14 Aprel 2021, 23:43 Bakıda “Hyundai” sərnişin avtobusuna çırpıldı - xəsarət alan var - FOTO 14 Aprel 2021, 23:33 Əşrəf Qani Baydenlə ABŞ qoşunlarının Əfqanıstandan çıxarılmasını müzakirə etdi 14 Aprel 2021, 23:24 Türkiyə Liviyaya 150 min doza peyvənd göndərdi 14 Aprel 2021, 23:10 Ter-Petrosyan koronavirusa yoluxdu 14 Aprel 2021, 22:56 Mehriban Əliyeva Tunarla bağlı tapşırıq verdi 14 Aprel 2021, 22:44 “Zəngəzur dəhlizi reallığa çevrilir” - İlham Əliyev 14 Aprel 2021, 22:35 Lukaşenko Azərbaycana vaksin təklif etdi 14 Aprel 2021, 22:24 Belarusla Azərbaycan arasında heç bir fikir ayrılığı yoxdur - Lukaşenko 14 Aprel 2021, 22:13 Minsk qrupundan kreativ ideyalar gözləyirik - Prezident 14 Aprel 2021, 22:07 Sülhməramlılar Kəlbəcərə yardım apardı - FOTO 14 Aprel 2021, 22:00 Biz hədəflərimizi çox dəqiq müəyyən etmişik - Prezident 14 Aprel 2021, 21:51 Yol polisi Balakəndə reyd keçirdi - FOTO 14 Aprel 2021, 21:46 Belarus bizim dostumuz, sınaqdan çıxmış tərəfdaşımızdır - İlham Əliyev 14 Aprel 2021, 21:40 Məhərrəm İncə xəstəxanaya yerləşdirildi 14 Aprel 2021, 21:37 İlham Əliyevlə Lukaşenko bəyanat VERDİLƏR 14 Aprel 2021, 21:30 Gəncə sakini əsəbiləşərək özü-özünü bıçaqladı 14 Aprel 2021, 21:22 “Traktor” Çempionlar Liqasına heç-heçə ilə başladı 14 Aprel 2021, 21:08 Türkiyədə gündəlik yoluxmada REKORD 14 Aprel 2021, 20:55 Peskovdan Putin-Bayden görüşü haqda: “Çox tezdir” 14 Aprel 2021, 20:41 “Draqi adlandırılan şəxs aramızdakı münasibətləri baltalayıb” - Ərdoğan 14 Aprel 2021, 20:27 Hərbi Qənimətlər Parkı və Cənubi Qafqaza yeni baxış... 14 Aprel 2021, 20:16 Bakıda məktəb müəllimi 40 yaşında koronavirusdan öldü - FOTO 14 Aprel 2021, 20:04 Türkiyənin sabiq baş naziri vəfat etdi 14 Aprel 2021, 19:40 Rəşad Nəbiyev ukraynalı nazirlə görüşüb 14 Aprel 2021, 19:30 Qarmon ifaçısı koronavirusdan dünyasını dəyişdi 14 Aprel 2021, 19:24 Sumqayıtda özünü dənizə atan şəxs xilas EDİLDİ 14 Aprel 2021, 19:17