Türkiyənin Şanlıurfa bölgəsində təxribata hazırlaşan 5 nəfər terrorçu zərərsizləşdirilib.
Modern.az Türkiyə mətbuatına istinadən xəbər verir ki, türk polisi tərəfindən keçirilən əməliyyat tədbirlərində PKK/PYD terror təşkilatının üzvü olan 5 nəfər yaxalanıb. Suriyadan gələn terrorçuların üzərindən 12 kiloqrama qədər partlayıcı maddə ələ keçirilib.
Onların dindirilməsindən məlum olub ki, onlar Şanlıurfa dövlət müəssisələri, hərbi təşkilatlar, hüquq-mühafizə orqanları haqqında məlumat toplamaq üçün sərhədi keçiblər.
Həmçinin PKK-çılar Suriyadakı PKK düşərgələrində kamikadze təlimatı aldıqlarını, mərkəz daxil olmaqla Türkiyənin müxtəlif hissələrində terror törətməyi planlaşdırdıqlarını qeyd ediblər.
