Arxiv
12 İyul 2019, 08:36 | ÖLKƏ
Lalə Şövkətin barışıq təklifinə iqtidar və müxalifətdən REAKSİYA

Azərbaycan Liberal Partiyasının (ALP) lideri Lalə Şövkət müxaliflə iqtidarı barışdırmaq niyyətindədir. Bunun üçün siyasi gediş etmək istəyən partiya lideri bütün siyasi kəsimi barış içərisində görmək istəyir – ALP Lalə Şövkətin böyük barışıq planı hazırladığını bəyan edib.


Bəs müxalifə və iqtidar barışıq istəyirmi?


Azərbaycan Demokrat Partiyasının sədri Sərdar Cəlaloğlu Modern.az-a bildirib ki, milli həmrəyliyin olmaması millətin ziyanınadır:

“Lalə xanım tamamilə haqlıdır, iqtidarla müxalifət arasında sivil mübarizə qurulmalıdır. Əks halda, bizim düşmənçilik müstəvisində apardığımız iç mübarizə yalnız xarici güclərin xeyrinə işləyəcək. Lalə xanımın demək istədiyi odur ki, düşmənçilik rəqabətlə əvəzlənsin. Çünki bizdə hazırda iqtidar-müxalifət düşmənçiliyi var, rəqabət yoxdur”.


Ümid Partiyasının sədri İqbal Ağazadə
vurğulayıb ki, siyasət üçün barışdırmaq ifadəsi düzgün sayılmır:

“Çünki barış, dialoq mühiti başqa anlayışdır. Bu mühitin yaradılması bir nəfərin əlində ola bilməz. Şəxsən mən hazırda iqtidarla düşmən deyiləm, sadəcə rəqibəm. Ümumiyyətlə iqtidarla niyə düşmən olmalıyıq ki? Axı zaman gələ bilər ki, siyasi mövqeyimizdən aslı olmayaraq vahid Azərbaycan üçün eyni bayraq altında birləşə bilərik. Sabah müharibə olsa, səngərdə döyüşəsi olsaq, orada siyasi mövqenin nə əhəmiyyəti olacaq ki? Hər iki mövqe müxtəlif aspektlərdən yanaşaraq, Azərbaycanın inkişafı üçün çalışır. Yanaşma mexanizmindən asılı olaraq, iqtidar müalifətin fikri ilə razılaşmır, ya da əksinə. Bunlar seçki və rəqabət mövzusudur. Seçki mövzusunda iqtidarın yanlış olduğunu hamımız bilirik. Müxalifət də çalışır ki, bu sahədə mövqe dəyişilsin. Ümumilikdə, siyasi ortamda düşmənçilik, barışmaq fikirləri mənə görə tamamilə yanlışdır”.

Milli Məclisin deputatı Aydın Mirzəzadə də deyir ki, iqtidar müxalifətlə düşmən deyil:

“Müxalifət də cəmiyyətin bir hissəsidir. Onlar da vətəndaşlarımızın maraqlarının bir hissəsini müdafiə edir. Biz onlarla sadəcə siyasi mübarizədəyik. Demokratik cəmiyyətin birinci şərti müxtəlif fikirlərin olmasıdır. Hamı eyni cür düşünsəydi biz totalitar rejimə yuvarlanardıq. Müxalifətin fikirlərinə hörmətlə yanaşırıq, eyni zamanda, öz siyasi xəttimizi hər zaman müdafiə edəcəyik”.

Müsavat Partiyası Mərkəzi İcra Aparatının rəhbəri Gülağa Aslanlı:


“İnanmıram ki, iqtidar müxalifətin şərtlərini qəbul edə və barışıq yarana.

Müxalifətin iqtidarla barışmağı üçün müəyyən şərtlər var. Bu şərtlərin birincisi və əsası odur ki, Azərbaycanda azad və demokratik seçki keçirilməsi üçün siyasi iradə ortaya qoyulsun. Korrupsiya tamamilə yox olmalıdır. Azərbaycan parlamentli respublika olmalı və Qarabağın  azad olunması üçün  bütün qüvvələr cəlb edilməldir. İctimai Palata, Müsavat Partiyası, Milli Strateji Düşüncə Mərkəzi  yol xəritəsi tərtib edib hakimiyyətə göndərmişdi. Sadaladığım şərtlərin hər biri həmin xəritədə öz əksini tapmışdı. Bu şərtlər qəbul olunsaydı, barışıq məsələsini də müzakirə etmək, ortaq mövqeyə gəlmək olardı”.

 

BU KATEQORİYADAN OLAN DİGƏR XƏBƏRLƏR
+ Arxiv
Daha bir ölkədə "Formula 1" yarışı ləğv olundu 28 May 2020, 17:12 Azərbaycan Cümhuriyyəti necə meydana çıxdı? 28 May 2020, 16:56 İtaliya mafiyasına növbəti zərbə vuruldu 28 May 2020, 16:53 Borçalının gürcü deputatı Azərbaycan xalqını təbrik etdi 28 May 2020, 16:48 Polad Bülbüloğlu: "Münaqişənin həllində həmsədr ölkələrdən dəstək gözləyirik" 28 May 2020, 16:46 İmamoğludan Azərbaycana TƏBRİK: “Ürəklərimiz hər zaman birlikdə atacaq” 28 May 2020, 16:28 Məkkənin ziyarətinə qoyulan məhdudiyyətlər yumşaldılır 28 May 2020, 16:23 İran XİN Azərbaycan xalqını təbrik edib 28 May 2020, 16:08 Peşə dərslərinin mayın 29-na olan cədvəli açıqlanıb 28 May 2020, 15:55 "Dərs vaxtı" verilişinin sabahkı cədvəli müəyyənləşdirilib 28 May 2020, 15:43 Müstəqilliyin RİTMİ 28 May 2020, 15:41 Siyasi partiyaların qurultay hazırlığı – “Karantin bitən kimi...” - SORĞU 28 May 2020, 15:36 Xüsusi Dövlət Mühafizə Xidmətinin “əməkdaşı” İFŞA OLUNDU 28 May 2020, 15:20 Deputat: “Xalq Cümhuriyyətinin qurucuları Azərbaycanı indiki kimi görmək istəyirdilər 28 May 2020, 15:13 Tarixdə iz qoyanlar: Cümhuriyyətin maarifpərvər xanımı Eynülhəyat Yusifbəyli 28 May 2020, 15:06 Pakistanın baş naziri İlham Əliyevi təbrik edib 28 May 2020, 14:44 Azərbaycan Xalq Cümhuriyyətinin 6 düşməni – FOTO 28 May 2020, 14:35 Əmanət amanatı 28 May 2020, 14:33 İranda daha 2 258 nәfәr koronavirusa yoluxub 28 May 2020, 14:21 Cümhuriyyət Hökuməti xalqımızın tarixində böyük iz buraxıb - Deputat 28 May 2020, 14:20 Gəncədə tanışını öldürən keçmiş məhkum saxlanıldı 28 May 2020, 14:10 Azərbaycan Xalq Cümhuriyyətinin 23 aylıq tarixi – Deputat yazısı 28 May 2020, 13:51 Həftəsonu güclü külək əsəcək – XƏBƏRDARLIQ 28 May 2020, 13:40 Prezident və birinci xanım AÇILIŞDA 28 May 2020, 13:31 Koronavirus insandan bu heyvanlara keçə bilər 28 May 2020, 13:15 Sabah 37 dərəcə isti olacaq 28 May 2020, 12:56 Türkiyəli nazir Respublika Günü münasibətilə Azərbaycanı təbrik edib 28 May 2020, 12:40 Bakı və Sumqayıtda it döyüşlərini təşkil edənlər SAXLANILDI 28 May 2020, 12:29 “Ramili qınamaq yox, onunla fəxr etmək lazımdır” – Millət vəkili Cavanşir Feyziyevlə MÜSAHİBƏ 28 May 2020, 12:20 Rusiyada koronavirusdan ölənlərin sayı 4 min nəfəri keçib 28 May 2020, 12:16 Avropada çimərliklər məhdudiyyətlərlə açılıb 28 May 2020, 12:09 Azərbaycan nefti ucuzlaşıb 28 May 2020, 11:57 Şəmkirdə avtomobil qaçıran şəxs saxlanıldı 28 May 2020, 11:52 Azərbaycan Xalq Cümhuriyyəti 102 yaşında – VİDEO 28 May 2020, 11:47 Ermənistan koronavirusa təslim oldu: 1 gündə 15 ölüm 28 May 2020, 11:41