Ermənistan baş naziri Nikol Paşinyan ölkənin Baş Hərbi İnspektorunu işdən azad edib.
Modern.az Ermənistan KİV-nə istinadən xəbər verir ki, onunla birlikdə müavinləri Vaçaqan Nersisyan və Kamo Koçunts da istefaya göndərilib.
Movses Akopyan 2018-ci ilin mayında Baş Hərbi İnspektor postuna təyin olunub. Buna qədər o, uzun illər qondarma Qarabağ rejiminin “müdafiə naziri” və Ermənistan ordusunun Baş Qərargah rəisi olub.
Əslən keçmiş Ağdərə rayonunun Çartar kəndindən olan Akopyan Robert Koçaryan və Serj Sarkisyan ətrafında cəmləşən "Qarabağ klanı"nın ən etibarlı simalarından olub.