Arxiv
3 Dekabr 2019, 17:10 | AKTUAL
Gəncədə ərzaq təhlükəsizliyi qaydalarına necə riayət edilir? - FOTOLAR

Dekabrın 2- də Kənd Təsərrüfatı Nazirliyinin tabeliyində olan “Aqrar Tədarük və Təchizat” ASC-nin Gəncə Regional İdarəsinin anbarında media işçiləri üçün  “Açıq qapı ” günü təşkil olunub.

 

Modern.az xəbər verir ki, media-turu təşkil etməkdə əsas məqsəd media nümayəndələrini və ictimaiyyəti ASC-nin satınalan dövlət təşkilatlarının payladıqları  ərzaq məhsullarının təhlükəsizliyinin təminatı ilə tanış etmək idi.

 

Elə media işçilərinin də ilk gedəcəyi yer Gəncə Regional İdarəsinin anbarı oldu. Ümumi sahəsi 1500 kv-metr olan anbarda xeyli sayda ərzaq məhsulları toplanmışdı. Burada həm kənd təsərrüfatı məhsulları, eyni zamanda qablaşdırılmış süd və digər ərzaq məhsulları saxlanılır.

 

“Aqrar Tədarük və Təchizat” ASC-nin İnformasiya və ictimaiyyətlə əlaqələr bölməsinin rəhbəri Mayis Musayev media işçilərinə anbar haqqında ümumi məlumat verərək bildirib ki, satınalan dövlət təşkilatlarının payladıqları ərzaq məhsullarının hamısı bu anbarda saxlanılır:

 

“Ayda 1-2 dəfə olmaqla satınalan dövlət təşkilatlarının sifarişinə əsasən çatdırılma prosesi həyata keçirilir. Anbarda hər bir ərzaq məhsulunun saxlanılması üçün ayrıca soyuducular təşkil olunub. Bizim bu media turu təşkil etməkdə əsas məqsədimiz odur ki, çatdırılma prosesində ATT ərzaq təhlükəsizliyi qaydalarına necə riayət edir, media nümayəndələri özləri şahid olsunlar, bütün gördükləri mənzərələri ictimaiyyətlə bölüşsünlər”.

 

Jurnalistlərin suallarını cavablandıran ATT-nin Tədarük və Təchizat Departamentinin direktoru Rəşad Kərimov idarənin Gəncə şəhəri daxil olmaqla, Göygöl, Daşkəsən, Samux və Kəlbəcər rayonundan olan 3 uşaq bağçası və səhiyyə mərkəzini ərzaq və kənd təsərrüfatı məhsulları ilə təchiz etdiklərini söyləyib:

 

“Ümumilikdə Gəncə Regional Mərkəzində 92 uşaq bağçası, 20 səhiyyə ocağı və 2 güc strukturuna ərzaq təchizatını həyata keçiririk. Bu qurumlar içərisində ən çox bağçalar üstünlük təşkil edir. Təchizat prosesi hər müəssisənin tələbnaməsinə uyğun olaraq ay ərzində iki dəfə 3 gün müddətində baş tutur və ümumilikdə 125 adda 250 ton məhsulun təchizatı təşkil olunur. Məhsullar anbara daxil olduğu zaman keyfiyyətə nəzarət edən mütəxəssislər tərəfindən yoxlamadan keçirilir. Bizim aldığımız əsas məhsullar isə yerli istehsal məhsullarıdır. Yalnız Azərbaycanda istehsal olunan bəzi məhsullar var ki, biz onları idxal məhsulu olaraq alışını həyata keçiririk”.

 

Daha sonra media nümayəndələri ATT tərəfindən ərzaq məhsulları ilə təchiz olunan 32 saylı körpələr evi-uşaq bağçasına baş çəkiblər. Onlar burada ərzaq məhsullarının təhvil-təslim prosesini izləyiblər.

 

İlk diqqətimi çəkən məqam isə bağçanın divarlarında Azərbaycan xalq nağılı “Tıq-tıq” xanımın bir çox obrazlarının sürətləri oldu. Düşünürəm ki, milli dəyərlərimizə sadiqlik prinsipini görmək hər bir şəxsdə xoş təəssürat yaradar. Bağçanın direktoru Sahilə Hüseynova jurnalistlərə açıqlama verərək bildirib ki, hazırda 33 adda qida məhsulu tədarük edirlər:

 

“Ümumiyyətlə, bağçamız 2019-cu il sentyabrın 16-dan fəaliyyətə başlayıb. Bağçanın qida təchizatını isə ayda iki dəfə olmaqla “Aqrar Tədarük və Təchizat” ASC-nin Gəcə Regional İdarəsi həyata keçirir. Bağçaya 33 adda qida məhsulu daxil olur. Təbii ki, bu qidalar da mövsümə görə dəyişir. Hazırda bağçamızda 75 uşaq təlim-tərbiyə alır. Yaş məhdudiyyəti isə 1 yaşından 6 yaşa qədərdir. Normativlərə uyğun olaraq, gün ərzində uşaqlara 3 dəfə yemək verilir. Məhsullar daxil olarkən onların hər birinin keyfiyyət sertifikatı da təqdim edilir”.

 

Sonda baş çəkdiyimiz ünvan isə Abbas Səhhət adına 1 saylı şəhər xəstəxanası oldu. Burda da məhsulların təhvil-təslim prosesinin şahidi olduq. Xəstəxananın anbardarı Fəxrəddin Bayramov jurnalistlərin suallarını cavablandırdı:

 

“Xəstəxanamıza ayda iki dəfə 15 adda məhsul daxil olur. Hər bir məhsullar üçün də ayrıca soyuducularımız var. Daxil olan məhsullara ət və ət məhsulları, qablaşdırılmış digər məhsullar da daxildir. Xəstələrə gündə 3 dəfə yemək verilir, hazırda xəstəxanada 200-ə yaxın xəstə müalicə alır. Gün ərzində bu rəqəm dəyişə də bilər”.

 

Nəhayət hər birimiz xoş təəssüratla media-turu yekunlaşdıraraq, Bakıya yollandıq.

BU KATEQORİYADAN OLAN DİGƏR XƏBƏRLƏR
+ Arxiv
Gürcüstanda koronavirusa yoluxanların sayı ARTDI 2 İyul 2020, 11:15 Azərbaycan nefti bahalaşdı 2 İyul 2020, 11:10 “Virtual məktəb”də şagirdlər üçün məktəbdənkənar dərnəklər keçiriləcək 2 İyul 2020, 11:05 “Canavar yuvası” 2 İyul 2020, 11:01 Millimizin üzvünün axtarışa verildiyi qətlin TƏFƏRRÜATI: “Asfalta yıxaraq…” 2 İyul 2020, 10:57 Səhiyyə Nazirliyi koronaviruslu xəstələri müalicə edən tibb işçilərini TOPLADI 2 İyul 2020, 10:51 Mətbuat xidmətinin rəisi TƏLTİF OLUNDU 2 İyul 2020, 10:46 Azərbaycanda yeni magistral yolun tikintisinə başlanıldı 2 İyul 2020, 10:43 Bu dərsliklərin istifadə müddəti dəyişdirilir 2 İyul 2020, 10:40 Deputat: “Pandemiyaya baxmayaraq parlamentin işində boşluq yaranmadı” 2 İyul 2020, 10:37 Türk özünü qorumur, Tanrı türkü qorusun... 2 İyul 2020, 10:32 Ziya Məmmədovun qardaşı oğlu sürücülük hüququndan məhrum edilir 2 İyul 2020, 10:27 Rövnəq Abdullayev işçilərin aylıq əlavə ödənişlərini 50 faiz AZALTDI - ÖZƏL 2 İyul 2020, 10:21 DİM pulsuz onlayn sınaq imtahanı keçirir 2 İyul 2020, 10:18 Dərsliklərlə bağlı yeniliklər 2 İyul 2020, 10:13 İşdən çıxan icra başçısının müavini - “Qardaşım məni el arasında biabır etdi” 2 İyul 2020, 10:08 Milli Məclisdə iqtisadiyyatı ən yaxşı hansı deputat bilir? - Ekspert RƏYLƏRİ 2 İyul 2020, 10:02 Neft yenidən bahalaşdı 2 İyul 2020, 09:56 Milli Məclisə gəlməyən Oqtay Əsədov özünə köməkçi də götürməyib 2 İyul 2020, 09:50 Dünyada koronavirusa qarşı 141 fərqli vaksin hazırlanır 2 İyul 2020, 09:45 Nazirlik ağac kəsənlərlə bağlı polisə müraciət etdi 2 İyul 2020, 09:40 Lerikdə avtomobil dərəyə aşdı - 3 NƏFƏR ÖLDÜ 2 İyul 2020, 09:34 Rusiyada Konstitusuya referendumunun nəticələri AÇIQLANDI 2 İyul 2020, 09:28 Bu gün dollar neçəyədir? - Rəsmi məzənnə 2 İyul 2020, 09:22 Cəbhədə gərginlik artıb - düşmən snayperləri işə saldı 2 İyul 2020, 09:16 Şamaxı icra başçısına yeni müavin təyin olundu 2 İyul 2020, 09:10 İlham Əliyev: “Polis öz vəzifə borcunu ləyaqətlə yerinə yetirir” 2 İyul 2020, 09:05 2 iyul Polisin GÜNÜDÜR 2 İyul 2020, 09:00 Parlamentin yaz sessiyası jurnalistlərin yadında necə qaldı?.. 2 İyul 2020, 08:55 “Sosial şəbəkələrdə əhali arasında vahimə yaradan yalan məlumatlar yayılır” - Nazir 2 İyul 2020, 08:53 Daxili İşlər Naziri zərərsizləşdirilmiş cinayətkar qruplardan DANIŞDI 2 İyul 2020, 08:47 Vilayət Eyvazov: “İctimai nəqliyyatda sərnişinlərin bəzən yarısı maskadan istifadə etmir” 2 İyul 2020, 08:43 Ərdoganla Merkel telefonla danışdı 2 İyul 2020, 08:21 Bu gün buraxılış imtahanı keçirilir 2 İyul 2020, 08:14 Şamaxıda zəlzələ olub 2 İyul 2020, 08:00