Bu gün şəhid olan İbrahim Vəliyevin cənazəsi Zərdaba gətirilib.
Modern.az xəbər verir ki, şəhidin cənazəsinin qarşılanması üçün minlərlə insan toplanıb.
Şəhid İbrahim Vəliyev fevralın 25-də Zərdab şəhərində torpağa tapşırılacaq.
Qeyd edək ki, Dövlət Sərhəd Xidmətindən (DSX) məlumatına görə, 2020-ci ilin 24 fevral tarixində saat 07:00 radələrində Ermənistan silahlı qüvvələrinin Noyemberyan rayonunun Koti kəndi yaxınlığında yerləşən bölmələrindən Qazax rayonunun Quşçu Ayrım kəndi istiqamətindəki sərhəd döyüş məntəqəsinə diversiya cəhdinin qarşısı alınıb, ciddi itkilər verməyə məcbur olmuş düşmənin bir zabiti ağır yaralanıb, digər hərbi qulluqçusu öldürülüb.
