Rusiyada əhalinin real gəlirləri cari ilin sonunadək 6% azalacaq.
"APA”-nın "Vesti.ru"ya istinadən verdiyi məlumata görə, bunu Rusiyanın İqtisadi İnkişaf naziri Maksim Reşetnikov deyib.
Onun sözlərinə görə, dövlətin böhranla mübarizə tədbirləri gəlirlərin azalmasını yavaşlatdı: "Əgər bunlar qəbul edilməsəydi, 2020-ci ilin II rübündə gəlirlərin azalması əhəmiyyətli dərəcədə böyük olardı – 7,5%-dək".
İqtisadi İnkişaf Nazirliyinin proqnozlarına görə, gələn il əhalinin gəlirləri və əməkhaqqı real ifadədə 3% artacaq. Rusiyada işsizlik səviyyəsi cari ilin sonuna 5,7% olacağı gözlənilir.
Gəlir və ÜDM-in ən böyük azalması yayda gözlənilir. İqtisadi İnkişaf Nazirliyinin proqnozlarına görə, bu ilin II rübündə Rusiyada ÜDM istehsalı illik ifadədə ən azı 9,5%, əhalinin real gəlirləri isə 6% azalacaq.
