Təhsil Nazirliyi Təhsilverənlərin sertifikatlaşdırılmasının aparılacağı vaxtı açıqlayıb. 

Modern.az xəbər verir ki, nazirliyin İctimaiyyətlə əlaqələr sektorunun müdiri Cəsarət Valehov sertifikatlaşmanın bu ilin payız aylarından başlayaraq növbəti ildə də davam edəcəyini bildirib.

“Təhsilverənlərin Sertifikatlaşdırılması Şurasının yaradılması haqqında Təhsil naziri əmr imzalayıb.
Əmrdə dövlət ümumi təhsil müəssisələrində pedaqoji və idarəetmə fəaliyyəti ilə məşğul olan, ali və orta ixtisas təhsilinə malik təhsilverənlərin sertifikatlaşdırılmasının təşkili məqsədilə
Təhsilverənlərin Sertifikatlaşdırılması Şurasının yaradılması qeyd olunur. Təhsilverənlərin sertifikatlaşdırılması bu ilin payız aylarından başlayaraq növbəti ildə də davam edəcək”, - C.Valehov deyib.


Təhsilverənlərin Sertifikatlaşdırılması Şurasına aşağıdakı vəzifəli şəxslər daxil edilib:

Şuranın sədri:

Məhəbbət Vəliyeva - Azərbaycan Respublikası Təhsil nazirinin müavini

Şuranın üzvləri:

Fərzəli Qədirov - Təhsil Nazirliyi Aparatının rəhbərinin müavini

Elnur Məmmədov- Təhsil nazirinin müşaviri, İnformasiya şöbəsinin müdiri vəzifəsini müvəqqəti icra edən

Eşqi Bağırov - İnsan resursları şöbəsinin müdiri

Vəfa Yaqublu - Ümumi və məktəbəqədər təhsil şöbəsinin müdiri

Murad Camalzadə -Təhsil İstitutunun Təhsil işçilərinin sertifikatlaşdırılması mərkəzinin direktoru vəzifəsini müvəqqəti icra edən

Vüsal Xanlarov - Təhsil Sisteminin İnformasiyalaşdırılması İdarəsinin rəisi.

Qeyd edək ki, Təhsil naziri Ceyhun Bayramov Təhsilverənlərin Sertifikatlaşdırılması Şurasının yaradılması haqqında əmr imzalayıb.