Prezident İlham Əliyev nazir Ramin Quluzadənin tutduğu vəzifədən azad edilməsi haqqında sərəncam imzalayıb.
Modern.az xəbər verir ki, sərəncama əsasən, Ramin Namiq oğlu Quluzadə Azərbaycan Respublikasının nəqliyyat, rabitə və yüksək texnologiyalar naziri vəzifəsindən azad edilib.
Ramin Quluzadə Azərbaycan Prezidentinin 15 yanvar 2016-cı il tarixli sərəncamı ilə rabitə və yüksək texnologiyalar naziri, 13 fevral 2017-cı il tarixli sərəncamı ilə isə nəqliyyat, rabitə və yüksək texnologiyalar naziri təyin edilmişdi.