İsveç Krallığında yaşayan Ayxan Cabbarlı İsveçin 2-ci liqasında oynayan "Savedalen" Futbol Klubu (A komada) ilə iki illik müqavilə imzalayıb. Bu barədə Modern.az-a diaspor üzrə ekspert Elnur Eltürk məlumat verib.
“Klub 1932-ci ildə yaranıb. Ayxan klubun tarixində ilk dəfə ən gənc futbolçu kimi müqavilə imzalayan idmançı olub. Ayxan Cabbarlı 2003-cü ildə Bakı şəhərində anadan olub. 6 yaşından peşəkar futbolla məşğuldur. Azərbaycanda “Bakı”, “Neftçi” klublarında məşqlər edib. Onun ailəsi 2012-ci ildə İsveçə köçüb. Burada bir neçə klubla oynayıb. Son iki 17-19 yaşlılar arasında “Göteborq" klubunda çıxış edib. Klubun akademiyasında təhsil alıb. 15 yaşından da Azərbaycan millisinin (U-17) üzvü olub. İngiltərənin “Totenhem” klubundan baxışda olub”.
