Arxiv
13 Aprel 2021, 12:48 | AKTUAL
Azay Quliyev Hesablama Palatasının fəaliyyətində dəyişikliklərin edilməsini TƏKLİF ETDİ

Deputat Azay Quliyev Milli Məclisin bugünkü plenar iclasında dövlət qurumlarında maliyyə pozuntularının qarşısının alınması üçün yeni mexanizmlərin tətbiq olunmasını təklif edib

 

Modern.az xəbər verir ki,  eyni zamanda A.Quliyev bir sıra təkliflərlə çıxış edib:

 

"İlk növbədə, Hesablama Palatasının 2020-ci il üzrə kənar dövlət maliyyə nəzarəti tədbirləri haqqında təqdim etdiyi ətraflı və eyni zamanda məzmunlu hesabatına görə hörmətli Vüqar müəllimə təşəkkür edirəm.

 

Hesabatın təhlili onu deməyə əsas verir ki, Palata tərəfindən nəzarət tədbirləri həyata keçirilən zaman qanunçuluq, müstəqillik, obyektivlik və peşəkarlıq kimi təməl prinsiplərə əməl edilmiş, büdcə təşkilatlarının fəaliyyətində mövcud çatışmazlıqlar və nöqsanlar aşkar edilərək onların aradan qaldırılması istiqamətində müvafiq tədbirlər görülüb.

 

Məhz bu cür prinsipal və güzəştsiz yanaşmanın nəticəsidir ki, 2020-ci ildə başa çatdırılmış 34 audit üzrə 130,3 mln. manat məbləğində 452 nöqsan müəyyən edilmiş, 55,2 milyon manat vəsaitin bərpası, 16,4 mln. manat vəsait üzrə yol verilən pozuntuların hüquq-mühafizə orqanları tərəfindən araşdırılması haqqında qərar qəbul edilib.

 

Aşkarlanan nöqsan və pozuntuların mahiyyətini, mövcud çağırışların həlli üçün sistemli yanaşmanın vacibliyini, ölkədə aparılan köklü islahatların hədəflərini, o cümlədən Hesablama Palatasının qarşısında duran məqsəd və vəzifələri nəzərə alaraq bir neçə təklifi diqqətinizə çatdırmaq istərdim.

 

Məlum olduğu kimi, Hesablama Palatası qanunvericiliyə uyğun olaraq kənar dövlət maliyyə nəzarətini 3 formada - audit, təhlil və monitorinq formasında həyata keçirir.

 

Hesab edirəm ki, yoxlamalar zamanı aşkarlanan nöqsanların sayını minimuma endirmək və dövlət vəsaitlərinin istifadəsinə nəzarəti daha da gücləndirmək məqsədilə Palatanın elektron monitorinq funksiyaları daha da genişləndirilməli və bunun üçün zəruri texniki imkanlar yaradılmalıdır.

 

Bununla bağlı təklif edirəm ki, büdcə təşkilatlarının maliyyə əməliyyatları və onların mühasibat hesabatlığı vahid elektron sistemə inteqrasiya olunsun və Palatanın həmin vahid sistemə xüsusi girişi təmin edilsin.

 

Bu imkan verər ki, Hesablama Palatası yoxlamanın subyekti olan bütün qurumlarda aparılan maliyyə əməliyyatlarına, onların hesabatlığına və bu hesabatlığı təsdiq edən sənədlərin qanunvericiliyin tələblərinə uyğunluğuna onlayn rejimdə və operativ qaydada nəzarət edə bilsin.

 

Belə bir mexanizm tətbiq olunarsa Palata bütün büdcə təşkilatlarının maliyyə fəaliyyətini daim müşahidə edə, hər hansı qanun pozuntusu riski meydana gələcəyi halda həmin təşkilatı öncədən xəbərdar edə və bu kimi halların qarşısı alınmadığı təqdirdə bu qurumu ictimaiyyət üçün açıq olan “riskli qurumlar siyahısı” na daxil edərək orada detallı yoxlamalar təşkil edə bilər.

 

Nəticədə istisnasız olaraq bütün qurumların maliyyə fəaliyyəti Hesablama Palatasının davamlı monitorinqinə cəlb olunar ki, bu da audit yoxlamaları arasındakı fasiləni aradan qaldıra və maliyyə intizamını xeyli gücləndirər. Heç bir qurum da Palatanın yoxlamasından kənarda qalmaz.

 

Hesab edirəm ki, belə bir sistemli yanaşmanın tətbiqi eyni nöqsan və pozuntuların illər boyu baş verməsinin və ya təkrarlanmasının qarşısını vaxtında və asanlıqla ala, dövlət vəsaitinin səmərəli və qənaətlə istifadə olunmasını təmin edə bilər.

 

Əlbəttə, bütün bunların həyata keçirilməsi üçün Hesablama Palatasının resursları, maddi texniki bazası, işçilərin sayı adekvat olaraq artırılmalı, zərurət yaranarsa qanunverilcikdə müvafiq dəyişiklik edilməlidir.

 

Hesabatda qeyd edildiyi kimi büdcə təşkilatlarının bir çoxunda maliyyə və idarəetmə sahəsində çalışan maddi-məsul şəxslərin bilik və bacarığı yetrərincə deyil, onların peşəkarlıq səviyyəsi çatışmır və yol verilən nöqsanların sayı və xüsusiyyətləri də bu fikri təsdiqləyir.

 

Misal üçün, hesabat ilində yol verilən pozuntu hallarının 199-u büdcə qanunvericiliyinin tələbləri ilə bağlıdır ki, bu da ümumi nöqsanların 56,6 faizini təşkil edir.

 

Ona görə təklif edirəm ki, Hesablama Palatası ən azı ildə bir dəfə yoxlamanın subyekti olan qurumların maliyyə-təsərrüfat fəaliyyətini həyata keçirən əməkdaşları üçün təlimlər təşkil etsin.

 

Təlimlərdə monitorinq və yoxlama tədbirləri nəticəsində müəyyən edilmiş nöqsanlar ümumiləşdirilmiş şəkildə diqqətə çatdırılsın və maliyyə-təsərrüfat fəaliyyətinə məsul olan şəxslərin bilik və bacarığı o səviyyədə olsun ki, bu pozuntulara bir daha yol verilməsin.

 

Bundan başqa Hesablama Palatası tərəfindən bu qurumlar üçün metodik vəsaitlərin hazırlanmasına da ciddi ehtiyac var. Həm təlimlərdə, həm də metodik vəsaitlərdə digər vacib məsələlərlə yanaşı qanunvericilikdə mövcud olan boşluqlar və hüquqi mübahisə yaradan hallarla bağlı ətraflı şərhlərin verilməsi məqsədəmüvafiq olardı.

 

Ümid edirəm ki, bu təkliflərin həyata keçirilmsi gələcəkdə maliyyə pozuntularının qarşısını əhəmiyyətli dərəcədə alınmasında, xərclənən büdcə vəsaitlərinin qənaətliliyinin və səmərəliliyinin artırılmasında müsbət rol oynaya bilər.

 

Sonda isə Palatanın hesabatını qənaətbəxş hesab edir və həmkarlarımdan onun nəzərə alınmasını xahiş edirəm".

BU KATEQORİYADAN OLAN DİGƏR XƏBƏRLƏR
+ Arxiv
Türkiyə əhalisinin 69%-dən çoxu tam peyvəndlənib 23 Sentyabr 2021, 21:51 Şəhid tabor komandirinin xatirəsi yad edildi - FOTOLAR 23 Sentyabr 2021, 21:36 Sabiq partiya sədrinə YAP-ın vəsiqəsi verildi 23 Sentyabr 2021, 21:28 Türkiyəli futbolçu rəsmən “Barselona”da 23 Sentyabr 2021, 21:12 “Azərbaycan Opera İnciləri” filmi təqdim olundu 23 Sentyabr 2021, 21:01 FHN hava şəraiti ilə bağlı əhaliyə müraciət etdi 23 Sentyabr 2021, 20:48 “ABŞ-la düşmən yox, dost olmaq istəyirik” - Ərdoğan 23 Sentyabr 2021, 20:32 Azərbaycanda ali təhsil almağın QİYMƏTİ - İllik 6500 manat... 23 Sentyabr 2021, 20:18 Sel bəzi rayonları su, qaz və işıqsız qoydu 23 Sentyabr 2021, 20:15 Çimərlik güləşçimiz dünya çempionu oldu 23 Sentyabr 2021, 20:14 Ərdoğan Putinlə görüşdə bu məsələləri müzakirə edəcək 23 Sentyabr 2021, 20:06 Blinken fransalı həmkarı ilə görüşəcək 23 Sentyabr 2021, 19:53 “İğdırdan Naxçıvana dəmir yolu çəkiləcək” - Ərdoğan 23 Sentyabr 2021, 19:39 Ərdoğan: “Paşinyandan müsbət mesajlar alırıq” 23 Sentyabr 2021, 19:27 İƏT nümayəndələri ANAMA-da olub 23 Sentyabr 2021, 19:13 Nizami Gəncəvi Mərkəzinin üzvləri Ərdoğanla görüşdülər 23 Sentyabr 2021, 19:10 Özbəkistan Prezidenti Eldar İbrahimovu təltif etdi 23 Sentyabr 2021, 19:08 Zaqatalada çayda batan kişinin meyiti tapıldı - VİDEO 23 Sentyabr 2021, 18:56 Fərid Qayıbov Azərbaycan Güləş Federasiyasında - FOTOLAR 23 Sentyabr 2021, 18:45 Naxçıvanda şəhid ailələrinə medallar təqdim olundu   23 Sentyabr 2021, 18:36 Həkim: “Böyrək daşını əritmək üçün dərman yoxdur” 23 Sentyabr 2021, 18:24 Şəhidlərimiz dini məbədlərdə yad olunacaq   23 Sentyabr 2021, 18:14 ABŞ-da Qarabağ danışıqları: Vaşinqton nə istəyir, Ankara və Bakı nə qazanır? - TƏHLİL 23 Sentyabr 2021, 18:10 Partiya sədri Şeyxi qınadı: “İrana vaxtında cavab vermədi” 23 Sentyabr 2021, 18:06 Şəmkir və Yenikənd su anbarlarına balıq körpələri buraxıldı 23 Sentyabr 2021, 18:00 Universitetlərdə auditoriyalardan istifadəyə məhdudiyyət qoyulacaq 23 Sentyabr 2021, 17:56 Səfirimiz Pakistanın müdafiə istehsalı naziri ilə görüşüb - FOTO 23 Sentyabr 2021, 17:52 Vətən müharibəsi şəhidləri bir dəqiqəlik sükutla ANILACAQ 23 Sentyabr 2021, 17:46 Manatın xarici valyutalara qarşı məzənnəsi 23 Sentyabr 2021, 17:40 Daha 13 müəssisədə pozuntular aşkarlandı 23 Sentyabr 2021, 17:34 Deputatlar Baş Prokurorluqda olub 23 Sentyabr 2021, 17:28 30 məktəbə yeni direktor TƏYİN EDİLDİ 23 Sentyabr 2021, 17:22 “Açıq mikrofon” aksiyası bu dəfə Sabirabadda - FOTOLAR 23 Sentyabr 2021, 17:16 Medianın İnkişafı Agentliyində görüş keçirilib 23 Sentyabr 2021, 17:10 Füzulidə erməni hərbçinin qalıqları tapıldı 23 Sentyabr 2021, 17:05
SORĞU Hansı vaksinə etibar edirsiniz?