ABŞ-ın Kaliforniya ştatının San-Rafel şəhərində baş verən atışma nəticəsində azı iki nəfər ölüb, dörd nəfər yaralanıb.
Modern.az TASS-a istinadən xəbər verir ki, bu barədə məlumat yerli polisin saytında dərc olunub.
Şəhərin cənub hissəsində baş vermiş atışma barədə məlumat hüquq-mühafizə orqanlarına şənbə günü gecə saatlarında daxil olub. Ehtimal olunur ki, hadisədə San-Rafel şəhərinə rep konsertinə gələnlər iştirak edib. Bir nəfər hadisə yerində öldü, ikincisi isə xəstəxanada ölüb.
Atışmada yaralanan bəzi şəxslər isə avtomobillərlə hadisə yerindən qaçmağa çalışsalar da, polis onları saxlayıb.
