Arxiv
29 İyul 2021, 10:22 | ÖLKƏ
Müxalifət Bakı Bəyannaməsini ALQIŞLADI  

Azərbaycan, Türkiyə və Pakistan parlament sədrlərinin ilk dəfə Bakıda keçirilən üçtərəfli görüşdə imzaladıqları Bakı Bəyannaməsi siyasi qüvvələr tərəfindən yüksək qiymətləndirildi. Ekspertlərin fikrincə, belə bir bəyannamənin imzalanması tarixi hadisədir, bununla Azərbaycan, Türkiyə və Pakistan dünyaya birlik və qardaşlıq mesajı verdi.

 

Qeyd edək ki, bəyannaməni Milli Məclisin sədri Sahibə Qafarova, Türkiyə Böyük Millət Məclisinin sədri Mustafa Şentop və Pakistan İslam Respublikası Milli Assambleyasının sədri Əsəd Qeysər imzalayıblar.

 

Tərəflər bəyannamənin bütün sahələrdə əməkdaşlığın inkişafına, xüsusilə parlamentlərarası əlaqələrin gücləndirilməsinə mühüm töhfə verəcəyini, üç qardaş ölkə arasında əlaqələrin bundan sonra daha da güclənəcəyini diqqətə çatdırıblar.

 

Bakı Bəyannaməsinin əhəmiyyətini müsbət dəyərləndirənlər arasında müxalifət nümayəndələri də var. Onlar bu təşəbbüsə dəstəklərini ifadə ediblər.

 

Üçtərəfli sənəd barədə Modern.az-a danışan müxalif siyasətçilər bəyannamənin regionda sülhün və təhlükəsizliyin təminatına müsbət təsir edəcəyini düşünürlər.

 

 

Müsavat Partiyasının sədri Arif Hacılı bildirib ki, Türkiyə və Pakistanla iqtisadi, ticarət, təhlükəsizliyin təminatı məsələlərində münasibətlərin möhkəmlənməsi Azərbaycanın maraqlarına uyğundur:

 

“Türkiyə ilə münasibətlərimiz əvvəldən yüksək səviyyədədir və Vətən Müharibəsi dövründə daha da yaxşılaşıb. Əlaqələr həm iqtisadi, həm siyasi, həm də hərbi-diplomatik sahədə ən yüksək səviyyəyə çatıb. Pakistanın da dünyanın qüdrətli dövlətlərindən biri kimi bu prosesdə iştirak etməsi, üç dövlətin dostluq və qardaşlıq münasibətlərini genişləndirməsi ölkəmiz üçün əhəmiyyətlidir. Üç dost dövlətin bundan sonrakı sıx əməkdaşlığının regional təhlükəsizlik baxımından müsbət hadisə olacağını düşünürəm”.

 

 

Respublikaçı Alternativ Partiyasının (ReAl) icra katibi Natiq Cəfərli Azərbaycan-Türkiyə əlaqələrinin brendə çevrildiyini vurğulayıb:

 

“Pakistanın bu prosesə qoşulması, üçtərəfli bəyannamənin imzalanması hər üç dövlətin əlaqələrinin koordinasiyalı şəkildə inkişaf etdirilməsinə hesablanıb.

 

Son illər Azərbaycan bölgədə de-fakto və de-yure ittifaqlar qurmaqla bir çox məsələlərin həllində ciddi uğur qazanıb. Elə 44 günlük müharibədə ordumuzun qazandığı qələbədə də bu ittifaqların çox böyük rolu olub. Bütün bunları nəzərə alaraq, Azərbaycanın addımları, Türkiyə və Pakistanla əlaqələrin inkişaf etdirilməsi üç dövlətin maraqları çərçivəsindədir.

 

Pakistanın, Türkiyə və Azərbaycanın hər birinin öz regionunda üstün dövlət olduğunu nəzərə alsaq, digər ölkələrin bu əməkdaşlığa qoşulmasını gözləyə bilərik”.

 

Ümid Partiyasının rəhbəri İqbal Ağazadə də Bakı Bəyannaməsini alqışlayıb:

 

“Sülhün təminatına, dostluğun önə çəkilməsinə xidmət edən bütün bəyannamələri və müqavilələri dəstəkləyirəm. Türkiyə, Pakistan və Azərbaycan region üçün birlikdə çox şeylər edə bilərlər. Bakı Bəyannaməsi hesab etmirəm ki, hansısa dövlətə qarşıdır. Bu bəyannamə regionda sülhün davamlı, ardıcıl, stabil olması üçündür. Bu istiqamətdə hər üç ölkə geniş addımlar atır. Belə addımları alqışlamaq lazımdır.

 

Üçtərəfli əməkdaşlıq genişlənsə, başqa dövlətlər də bura qoşularsa, çox yaxşı olar. Barış və sülh üçün nə qədər çox səylər olacaqsa, nə qədər çox tərəflər bu təşəbbüsdə iştirak edərsə, proses o qədər davamlı və stabil olacaq”.

BU KATEQORİYADAN OLAN DİGƏR XƏBƏRLƏR
+ Arxiv
Mali “Vaqner” hərbi şirkətindən kömək istəyib 26 Sentyabr 2021, 00:52 Naftalanda kafedə yanğın oldu 26 Sentyabr 2021, 00:41 Ruanda soyqırımının icraçısı həbsxanada öldü 26 Sentyabr 2021, 00:39 Nigeriyada terrorçular əsgərlərə hücum etdi: Onlarla ölü var 26 Sentyabr 2021, 00:10 Şəhriyar Məmmədyarov və Teymur Rəcəbov məğlub oldu 25 Sentyabr 2021, 23:43 Türkiyə əhalisinin 70%-ə yaxını tam peyvəndlənib 25 Sentyabr 2021, 23:32 Ağcabədidə ev yandı 25 Sentyabr 2021, 23:10 Ceyhun Bayramov bu ölkələrdən olan həmkarları ilə görüşdü 25 Sentyabr 2021, 22:50 Mahir Emreli "Legiya"da növbəti qolunu vurdu 25 Sentyabr 2021, 22:47 “Şəhid əmanətləri Şuşada” layihəsinə start verildi - FOTOLAR 25 Sentyabr 2021, 22:31 XİN başçısı BQXK rəhbərinə mina təhlükəsi barədə məlumat verdi 25 Sentyabr 2021, 22:15 Ceyhun Bayramov serbiyalı həmkarı ilə görüşdü 25 Sentyabr 2021, 22:12 Bakıda mənzildə qadın meyiti aşkarlandı 25 Sentyabr 2021, 22:10 Şimal zonasına yağış yağacaq, çaylarda daşqın olacaq 25 Sentyabr 2021, 22:02 “Çelsi” “Maçester Siti”yə məğlub oldu 25 Sentyabr 2021, 21:55 “Taliban”ın tanınması müzakirə mövzusu deyil” – Lavrov 25 Sentyabr 2021, 21:49 Göyçayda minik avtomobili yandı 25 Sentyabr 2021, 21:35 Premyer Liqa: “Zirə” “Səbail”ə qalib gəldi 25 Sentyabr 2021, 21:12 Azərbaycan və Türkiyə arasında daha bir memorandum imzalandı 25 Sentyabr 2021, 20:59 Anım günü ilə əlaqədar bu avtobusların hərəkət sxemi dəyişdirilir 25 Sentyabr 2021, 20:51 Cüdoçumuz Xorvatiyada qızıl medal qazandı 25 Sentyabr 2021, 20:36 Ceyhun Bayramov Qoşulmama Hərəkatının nümayəndələri ilə görüşdü 25 Sentyabr 2021, 20:20 “Şair Sabir” gəmisi yenidən xarici sulara yola salındı 25 Sentyabr 2021, 20:03 Ermənistan ordusuna köhnə raketlər satan keçmiş zabit həbs edildi 25 Sentyabr 2021, 19:43 Putin Lukaşenko ilə görüşəcək 25 Sentyabr 2021, 19:30 "Səbail" - "Zirə" oyununda Vətən müharibəsinin ildönümü yad edildi 25 Sentyabr 2021, 19:19 Polis Qaxda şəhid ailələrini ziyarət etdi 25 Sentyabr 2021, 19:11 “Qarabağ”-“Keşlə” oyunu bərabərə bitdi 25 Sentyabr 2021, 19:10 İçərişəhərdə vandalizmə qarşı iməclik - FOTO 25 Sentyabr 2021, 18:56 Mikayıl Cabbarov Alessandro Frakassetti ilə görüşüb 25 Sentyabr 2021, 18:30 Nazir Türk Şurasının baş katibi ilə görüşdü - FOTO 25 Sentyabr 2021, 18:20 Arvadını balta ilə öldürən şəxs Psixiatriya Xəstəxanasına yerləşdirildi 25 Sentyabr 2021, 18:12 Şəhidimizin qardaşı bayrağı dəyişərkən yıxılıb ÖLDÜ 25 Sentyabr 2021, 18:04 Şəhid leytenant: “Əsgərim döyüşdə ola-ola mən hospitala gedə bilmərəm” 25 Sentyabr 2021, 17:57 Müğənni arvadını moteldə öldürməyindən DANIŞDI 25 Sentyabr 2021, 17:50
SORĞU Hansı vaksinə etibar edirsiniz?