Bu gün Azərbaycanın böyük istiqlal şairi və ictimai xadimi, filologiya elmləri doktoru, mərhum professor Xəlil Rza Ulutürkün anadan olmasının 80 illiyinə həsr olunmuş təntənəli yubiley mərasimi keçiriləcək. Modern.az xəbər verir ki, tədbir Mədəniyyət və Turizm Nazirliyinin təşkilatçılığı ilə Azərbaycan Dövlət Akademik Milli Dram Teatrında olacaq.
Tədbirdə bir çox yüksək rütbəli dövlət nümayəndələrinin, tanınmış elm və mədəniyyət xadimlərinin iştirak edəcək, yubiley tədbirində şairin şeirləri səsləndiriləcək və sözlərinə yazılmış mahnılar ifa olunacaq.