Modern.az

Beyin xərçənginin SİMPTOMLAR

Beyin xərçənginin SİMPTOMLAR

Aktual

1 Dekabr 2021, 08:44

İnsanların əksəriyyəti baş ağrısı ilə üzləşir. Bu ən tez-tez təsadüf edilən simptomdur.

 

Baş ağrısının səbəbləri çoxdur - gərginlik, arterial hipertenziya (hipertoniya), miqren, boyun osteoxondrozu, bəzi göz xəstəlikləri, haymorit, travma, bəzi dərmanların qəbulu və s.

 

Baş ağrısının ən təhlükəli səbəbi bədxassəli şişlərdir. Beyin xərçəngi zamanı baş ağrısı əsas simptomdur. Beyin xərçəngi zamanı baş ağrısının müəyyən xüsusiyyətləri var:

 

- ağrı xronikidir

- güclüdür

- sıxıcı xarakter daşıyır

- adi ağrısızlaşdıran preparatlar bu ağrıya təsir etmir

- ağrı fiziki gərginlik zamanı (fizki iş, idman, öskürək və s.) artır

- ağrı gecənin ikinci yarısında və səhərə yaxın daha güclü olur. İnsan yuxudan durandan sonra baş ağrısı 2-3 saat ərzində azalır.

 

Qusma da beyin xərçənginin əsas simptomlarından biri sayılır. Qusma daha tez-tez səhər acqarına olur, qida qəbulu ilə bağlı olmur və xəstəyə rahatlıq gətirmir.

 

Qıcolma (epilepsiya) tutmaları xəstəliyin ilk simptomu kimi əmələ gələ bilər. Buna mütləq ciddi fikir vermək lazımdır. Əgər belə tutmalar qəfildən insanın 20 yaşından sonra əmələ gələrsə, bu çox təhlükəli simptomdur.

 

Beyin xərçənginin simptomlarından biri də başgicəllənməsi sayılır. Bu simptom daha gec inkişaf edir.

 

Xəstədə görmə problemləri yaranır - gözlər dumanlanır, görmə zəifləyir. Bu xüsusilə səhərlər baş verir.

 

Xəstəlik inkişaf etdikcə xəstədə yaddaşın, təfəkkürün, nitqin pozulması kimi simptomlar əmələ gəlir, insanın xasiyyəti dəyişilə bilər.

 

Beyin xərçənginin əmələ gəlmə səbəbləri tibdə məlum deyil. Müalicənin uğurlu olub-olmaması xəstəliyin mərhələsindən, şişin yerləşməsindən, xəstənin yaşından və s. amillərdən asılıdır.

 

Məhz bu səbəbdən xəstəliyin ilk simptomlarında həkimə müraciət etmək lazımdır.

Twitter
Sizə yeni tvit var
Keçid et
Hərbi gəmilər döyüşə hazır vəziyyətə gətirildi