Sentyabrın 12-də Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü ilə Kəlbəcər rayonunda növbəti Bal Festivalı keçirilib.
Modern.az xəbər verir ki, tədbirdə Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev çıxış edib.
Prezidentin köməkçisi çıxışında Kəlbəcərin işğaldan azad edildikdən sonra sürətlə yenidən qurulduğunu, şəhərdə həyata keçirilən genişmiqyaslı bərpa-quruculuq işlərinin burada yeni inkişaf mərhələsinin əsasını qoyduğunu bildirib.
Hikmət Hacıyev, həmçinin Kəlbəcər sakinlərinə dünyanın müxtəlif ölkələrindən gələn diplomatları qonaqpərvərliklə və istiqanlılıqla qarşıladıqlarına görə təşəkkürünü bildirib.
