Milli Məclisin deputatlarının seçici müraciətlərinin həlli ilə bağlı səlahiyyətləri genişləndirilməlidir.
Modern.az xəbər verir ki, bunu Milli Məclisin İnsan hüquqları komitəsinin bu gün keçirilən iclasında deputat Səyyad Aran deyib.
Deputat bildirib ki, vətəndaşlarla birbaşa ünsiyyətdə olan və onların problemlərini dinləyən əsas şəxslər deputatlardır. Lakin onların qaldırılan məsələlərin həllinə təsir imkanları məhduddur.
“Sənin hünərin çatır, ay nazir, camaatın içinə çıxmağa? Get, özün camaatın içinə çıx. Xalqın əli çatan deputatdır. Bizim isə səlahiyyətimiz yoxdur. Qurumlar bizə deyirlər ki, siz yol çəkən deyilsiniz. Bəs bizi niyə rayonlara, camaatın içinə göndərirsiniz? Deyirlər, gedin, vətəndaşları dinləyin. Dinləyirik, bizə deyirlər ki, iş verin”, – Səyyad Aran vurğulayıb.
