Prezident İlham Əliyev yanvarın 18-də ABŞ dövlət katibi köməkçisinin Avropa və Avrasiya məsələləri üzrə müavini Erik Rubini qəbul edib. AzərTAc-ın məlumatına görə, Erik Rubin Azərbaycana səfərindən məmnunluğunu bildirib. O, ölkəyə prezidentin və dövlət katibinin tapşırığı ilə səfər etdiyini vurğulayıb. Erik Rubin 2012-ci ildə Azərbaycanla ABŞ arasında ikitərəfli münasibətlərin daha da genişlənəcəyinə ümidvar olduğunu bildirib.
Prezident İlham Əliyev 2012-ci ildə Azərbaycanla ABŞ arasında ikitərəfli formatda münasibətlərin daha da genişləndirilməsi istiqamətində yaxşı nəticələr əldə ediləcəyinə ümidvar olduğunu deyib.
Görüşdə 2012-ci ildə Azərbaycan Respublikası ilə Amerika Birləşmiş Ştatları arasında əməkdaşlığın müxtəlif sahələrdə genişləndirilməsinə dair məsələlər ətrafında fikir mübadiləsi aparılıb.
