Azərbaycan Milli İstiqlal Partiyası (AMİP) İctimai Palatanın aprelin 8-nə təyin etdiyi mitinqə qoşulmamaq haqda qərar qəbul edib. Bununla bağlı partiya sədri Yusif Bağırzadə Modern.az-a bildirib.
“AMİP siyasi təşkilat olaraq İctimai Palatanın mitinqinə qoşulmayacaq. Amma üzvlərimiz azaddır, aksiyaya qoşula bilərlər. Biz belə məhdudiyyət qoymuruq. Qeyd edim ki, partiyamız Siyasi Şurada 8 aprel mitinqinə qatılmamaq hada rəsmi qərar qəbul edib”-deyə Y.Bağırzadə qeyd edib.
AMİP sədri belə bir qərarın qəbul edilməsində əsas səbəb kimi İctimai Palatanın rəsmi olaraq onlara müraciət etməməsini göstərib: “Hesab edirəm ki, əvvəlcədən bizimlə ikitərəfli və yaxud dörd tərəfli məsləhətləşmələr getsəydi, rəsmi səviyyədə bizə müraciətlər olsaydı, partiyamızım qərarı başqa olardı”
Anar RÜSTƏMOV
