Misirin keçmiş prezidenti Hüsnü Mübarəkin azadlığa buraxılması ilə bağlı qərar ləğv edilib. Modern.az xarici KİV-lərə istinadən xəbər verir ki, H.Mübarəkin azadlığa çıxması haqda qərara prokurorluq etiraz edib. Etiraz müraciəti Qahirə Məhkəməsində yenidən baxıldıqdan sonra eks-prezidentin azadlığa çıxması ləğv edildi.
Mübarək yenidən 4 ayrı cinayət işi üzrə mühakimə olunacaq.
Qeyd edək ki, Qahirə məhkəməsi Misirin keçmiş prezidenti Hüsnü Mübarəkin 2011-ci il inqilabı zamanı nümayişçilərin öldürülməsi ilə bağlı ittiham olunduğu cinayət işi üzrə azadlığa buraxılmasına dair qərar qəbul etmişdi.
Modern.az
