Bu gün saat 11:00-da Milli Televiziya və Radio Şurasının inzibati binasında (Nizami küç, 105) İctimai Televiziya və Radio Yayımları Şirkəti baş direktoru vəzifəsinə İctimai Televiziya və Radio Yayımları Şirkəti Yayım Şurası tərəfindən seçki keçirilməsinə başlanılacaq. Seçkini mətbuat nümayəndələri izləmək hüququna malikdir.
Bu barədə Modern.az-a Milli Televiziya və Radio Şurası aparatının rəhbəri Toğrul Məmmədov məlumat verib.
İctimai Televiziya və Radio Yayımları Şirkəti baş direktoru vəzifəsinə 4 nəfər iddiaçı var: Şəfiyev Şamil Əli oğlu, Quliyev Cəmil Elşad oğlu, Mustafayev Nicat Qafur oğlu və Hüseynov Emin Rafik oğlu.
“İctimai televiziya və radio yayımı haqqında” Qanununa görə, İctimai Televiziya və Radio Yayımları Şirkəti baş direktoru vəzifəsinə hər 4 ildən bir seçki keçirilir.
Xatırladaq ki, dünən İctimai Televiziya və Radio Yayımları Şirkətinin baş direktoru vəzifəsilə vidalaşan İsmayıl Ömərov 3-cü dəfə namizədliyini verməyib.
Modern.az
