Sabiq dövlət katibi Hillari Klinton Twitter mikrobloqunda şəxsi səhifəsini qeydiyyatdan keçirib. O, ilk yazısında yumoristik textsfromhillary.com (“Hillaridən xəbərlər”) saytının yardıcılarına təşəkkür edib. Saytda sabiq dövlət katibinin digər yüksək rütbəli amerikalı məmurlarla məzəli dialoqları yer alır.
“Məni ruhlandırdığınıza görə təşəkkürlər”-deyə Klinton ilk yazısında qeyd edib. Qeydiyyatdan keçdiyi 7 saat ərzində sabiq dövlət katibinin elektron ünvanına 245 min nəfər yazıb. Hillari Klintonun akkauntu məşhur şəxslərin adının qanunsuz istifadəsinə yol verməmək üçün istifadə edilən və Twitter sosial şəbəkəsi tərəfindən şəxsən verilən mavi nişanla qorunur.
