Ekologiya və Təbii Sərvətlər Nazirliyinin Milli Hidrometeorologiya Departamentindən Modern.az-a verilən məlumat görə, yanvarın 10-da Bakıda və Abşeron yarımadasında hava dəyişkən buludlu olacaq, arabir tutulacaq. Hava əsasən yağmursuz keçəcək. Gecə və səhər bəzi yerlərdə zəif duman olacağı ehtimalı var. Şimal-qərb küləyi əsəcək.
Bakıda və Abşeron yarımadasında havanın temperaturunun gecə 1-4, gündüz 7-9 dərəcə isti olacağı proqnozlaşdırılır.
Yanvarın 10-da Azərbaycanın rayonlarında hava əsasən, yağmursuz olacaq, gecə və səhər bəzi yerlərdə duman olacaq. Qərb küləyi əsəcək, arabir güclənəcək.
Havanın temperaturunun Aran rayonlarında gecə 4 dərəcə şaxtadan 1 dərəcəyədək isti, gündüz 6-10 dərəcə isti, dağlarda gecə 5-10 dərəcə şaxta, gündüz 0-5 dərəcə şaxta olacağı gözlənilir.
Tibbi-meteoroloji proqnoza əsasən, yanvarın 10-da meteoroloji amillərin normal sutkalıq gedişi meteohəssas insanlar üçün əlverişli olsa da, sonrakı günlərdə küləkli hava şəaraiti meteohəssas insanlarda diskomfort hissi yarada bilər.
Modern.az
