Xarkovda Rusiya tərəfdarı olan fəallar “UDAR” fraksiyasının lideri Vitali Kliçkoya yumurta və partlayıcı atıblar. Modern.az saytı Ukrayna KİV-nə istinadən bildirir ki, hadisə bu şəhərdəki Avropa meydanında keçirilən mitinq zamanı baş verib. Məlumatda qeyd edilir ki, nə yumurtalar, nə də partlayıcılar Kliçkoya dəyib. “UDAR”ın lideri çıxış edərkən 100-ə yaxın Rusiyameylli fəal səhnə qarşısına düzülərək “Rusiya” və “Faşizm keçməyəcək” şüarlarını səsləndiriblər. Yumurta atəşi zamanı siyasətçinin mühafizəçiləri onu çətirlə qoruyublar. Bundan sonra Kliçko meydandan getsə də, mitinq davam edib.
Modern.az
