Bu gün İsveçrənin Nyon şəhərində Çempionlar Liqası və UEFA Avropa Liqası yarımfinal oyunlarının püşkatması keçirilib.
Modern.az xarici KİV-ə istinadən bildirir ki, UEFA Avropa Liqasının yarımfinalçılarından biri İspaniyanın iki klubu – “Sevilya” ilə “Valensiya” olub. Portuqaliyanın “Benfika” klubu isə İtaliyanın “Yuventus” komandası ilə finala çıxmaq uğrunda mübarizə aparacaq. Yarımfinalın ilk oyunları aprelin 24-də, cavab qarşılaşmaları isə mayın 1-də keçiriləcək.
Çempionlar Liqasının yarımfinalında isə Madridin “Real” klubu Almaniyanın “Bavariya”, İspaniyanın digər komandası “Atletiko” isə Londonun “Çelsi” klubu ilə görüşəcək.
Qeyd edək ki, yarımfinal mərhələsinin oyunları 22-23 və 29-30 aprel tarixlərində keçiriləcək.
Modern.az
