Milli Məclisin deputatı Fuad Muradov Səbail rayonun Bayıl qəsəbəsində yaşayan seçicilərlə görüşüb. Qəsəbənin bir neçə küçəsində yaşayan sakinlərlə görüşən deputat buradakı vəziyyətlə tanış olub və sakinlərin qaldırdıqları təklifləri dinləyib. “20-ci sahə” adlanan ərazidə yaşayan sakinlər bəzi kommunal çətinliklərin həlli üçün müraciət ediblər.
T.İsmayılov küçəsinin sakinləri əvvəlki görüşdə deputat qarşısında qaldırdıqları problemlərin həlli üçün göstərdiyi köməyə görə təşəkkür ediblər. Bayılda aparılan tikinti quruculuq işlərinin burada yaşayan sakinlərin yaşayışında ciddi dəyişikliklər yaratdığını deyən F.Muradov bütün aparılan işlərin prezident İlham Əliyevin rəhbərliyi aparılan islahatlar sisteminin tərkib hissəsi olduğunu vurğulayıb.
Müxtəlif ərazilərdə əhali ilə görüşən deputat seçicilər tərəfindən qaldırılan ayrı-ayrı təkliflərin həlli üçün müvafiq orqanların qarşısında qaldıracağını bildirib.
Modern.az
