NATO Ukraynadakı böhranla əlaqədar Avropanın şərqində hərbi rejimi gücləndirib. Modern.az Azadlıq radiosunun Rusiya xidmətinə istinadən məlumat verir ki, bu barədə NATO-nun baş katibi Anders Foq Rasmussen məlumat verib. O bu gün Brüsseldə NATO-un şura iclasında çıxışı zamanı bildirib ki, havada hərbi təyyarə, suda isə hərbi gəmilərin sayı artırılacaq. Təşkilat rəhbərinin sözlərinə görə, yaxın günlərdə NATO Avropanın şərqində hərbi aviasiya qüvvələrini gücləndirəcək və gəmiləri Baltik dənizi, şərqi Aralıq Dənizinə doğru yönəldəcək. Rasmussen həmçinin qeyd edib ki, bu ölçülər NATO ölkələrinin beynəlxalq öhdəliklərinə uyğun olaraq qəbul edilir və quruma üzv dövlətlərin kollektiv müdafiəsinin təminatı üçün lazımdır.
Ayşən Mönsümlü
