ABŞ prezidenti Barak Obama İranın BMT- də yeni səfir təyin etmək istədiyi Həmid Abutalebiyə vizanın verilməsini qadağan edən qanunu imzalayıb. Modern.az xarici mətbuata istinadən xəbər verir ki, bundan sonra iranlı diplomat ABŞ-a girə bilməyəcək. ABŞ bildirir ki, Abutalebi 1979-cu il islam inqilabından sonra Tehranda Amerika diplomatlarının girov tutulmasında təqsirkardır. Abutalebi isə böhranın başlanğıcında Tehranda olmadığını, sadəcə böhran sonrası olduğunu və onlar (girovlar) üçün tərcüməçi kimi xidmət etdiyini bildirib.
Qeyd edək ki, B. Obama Konqresin casusluğa cəlb edilmək, ABŞ-a və onun müttəfiqlərinə qarşı fəaliyyət aparmaqla bağlı qəbul etdiyi qanun layihəsinə imza atıb. .
Xatırladaq ki, ABŞ nümayəndələri daha əvvəl də bildirirdilər ki, Abutalebinin giriş vizasını verməyəcəklər.
Ayşən Mönsümlü
