“Müsbət Dəyişikliklər” Hərəkatının rəhbəri, ictimai fəal Bəxtiyar Hacıyev polis tərəfindən saxlanılıb. Modern.az saytı bildirir ki, “NİDA”–çı gənclərin məhkəməsi zamanı binanın ətrafına yığışan gənclərin içində olan B.Hacıyevdən polis gəncləri sakitləşdirməyi tələb edib.
“Polis mənə dedi ki, gəncləri sakitləşdir. Mən dedim ki, onların rəhbəri deyiləm”. Bir polis gənc qızı tutmaq istərkən B Hacıyev etiraz edib. “Polislərdən biri kobud danışdı. Polislər məni tutdular. 22-ci polis bölməsinə gətiriblər”-deyə B. Hacıyev vurğulayıb.
Modern.az
