NİDA Vətəndaş Hərəkatının həbs olunmuş üzvlərinin bu günə təyin olunan məhkəməsi təxirə salınıb. Modern.az xəbər verir ki, bu barədə təşkilatın idarə heyətinin üzvü Turqut Qəmbər “Azadlıq” radiosuna məlumat verib.
Sosial şəbəkələrdə yayılan məlumatlarda bildirilib ki, NİDA üzvlərinin neçə gündür aclıq aksiyası keçirdiyinə görə halsız olması da məhkəmənin təxirə salınmasına səbəb olub. Qeyd edək ki, NİDA təşkilatının həbsdə olan üzvləri artıq 8 gündür ki, aclıq aksiyası keçirir.Modern.az
